పాకిస్థాన్తో శుక్రవారం జరిగిన నాలుగో వన్డేలో మూడు వికెట్ల తేడాతో గెలిచింది ఇంగ్లాండ్. ఓపెనర్ జేసన్ రాయ్ సెంచరీతో రాణిస్తే ఆల్రౌండర్ బెన్ స్టోక్స్ 71 పరుగులు చేసి విజయంలో కీలక పాత్ర పోషించాడు. అనంతరం మాట్లాడిన రాయ్.. మ్యాచ్కు ముందు రోజు జరిగిన విషయాల్ని వెల్లడించాడు.
"ఈ సెంచరీ నాకు, నా కుటుంబానికి గుర్తుండిపోతుంది. మ్యాచ్ ముందురోజు రాత్రి 1:30కు నా కూతుర్ని ఆసుపత్రిలో చేర్పించాను. ఉదయం 8 గంటల వరకు అక్కడే ఉన్నాను. కొద్దిసేపటి తర్వాత సరాసరి మైదానంలో దిగి సెంచరీ చేశాను. ఆ తర్వాత ఆమెకు ఎలాంటి ఇబ్బంది లేదని తెలిసి కుదుటపడ్డాను." -జేసన్ రాయ్, ఇంగ్లాండ్ క్రికెటర్