వచ్చే ఏడాది భారత్లో జరిగే టీ20 ప్రపంచకప్లో న్యూజిలాండ్ మాజీ కెప్టెన్, ప్రముఖ బ్యాట్స్మన్ రాస్ టేలర్ ఆడటంపై సందిగ్దత నెలకొంది. ఇటీవలే ఓ ఇంటర్వ్యూలో ఇదే విషయమై స్పందిస్తూ ఇప్పుడే తాను కచ్చితంగా చెప్పలేనని అన్నాడు.
వచ్చే టీ20 ప్రపంచకప్కు టేలర్ కష్టమే!
న్యూజిలాండ్ జట్టులో కీలక క్రికెటర్గా ఉన్న రాస్ టేలర్.. వచ్చే ఏడాది టీ20 ప్రపంచకప్ ఆడేది కష్టంగా కనిపిస్తోంది. ఇప్పుడే కచ్చితంగా ఏం చెప్పలేనని అన్నాడు.
రాస్ టేలర్
ఈ ఏడాది ప్రారంభంలో 100వ అంతర్జాతీయ టీ20 ఆడి, ఈ ఘనత సాధించిన తొలి కివీస్ క్రికెటర్గా రికార్డు సృష్టించాడు. ప్రస్తుతం కరీబియన్ ప్రీమియర్ లీగ్(సీపీఎల్) ఆడేందుకు సిద్ధమయ్యాడు.
కరోనా మహమ్మారి వల్ల చాలాకాలం క్రికెట్కు దూరం కావడం గురించి టేలర్ మాట్లాడాడు. "పాఠశాల చదివే రోజుల నుంచి క్రికెట్ ఆడకుండా ఇంతకాలం ఎప్పుడూ ఉండలేదు. ఐసోలేషన్, తదితర విషయాలన్నీ కాస్త కొత్తగానే ఉన్నాయి. ఈ సారి సీపీఎల్ కూడా కాస్త భిన్నంగా ఉండనుంది. ఐదు నెలలకు పైగా ఆటగాళ్లు అంతర్జాతీయ క్రికెట్కు దూరంగా ఉన్నారు. కాబట్టి, ప్రస్తుతం కాస్త ఇబ్బందిగానే ఉంటుంది. మరోవైపు ప్రేక్షకులు లేకుండానే మ్యాచ్లు జరగనున్నాయి. కానీ, మమ్మల్ని ప్రోత్సహించడం కోసం వారంతా ఇళ్లలో టీవీ ముందు కూర్చుని ఉంటారని మాకు తెలుసు. ప్రస్తుత పరిస్థితుల్ని అర్థం చేసుకొని ఇవన్నీ అలవాటు చేసుకోవాలి" అని చెప్పాడు.