టేలర్​కు న్యూజిలాండ్ అత్యుత్తమ క్రికెట్ పురస్కారం

స్టార్ బ్యాట్స్​మన్ రాస్ టేలర్.. 2019-20 సీజన్​కుగాను ప్లేయర్ ఆఫ్ ది ఇయర్​గా నిలవడం సహా కివీస్ అత్యున్నత క్రికెట్ పురస్కారం అందుకున్నాడు.

న్యూజిలాండ్ బ్యాట్స్​మన్ రాస్ టేలర్.. అ దేశ క్రికెట్ అత్యున్నత పురస్కారం అందుకున్నాడు. ప్లేయర్ ఆఫ్ ది ఇయర్​గా నిలిచి, సర్ రిచర్డ్ హ్యాడ్లీ పతకాన్ని సొంతం చేసుకున్నాడు. తన పదేళ్ల కెరీర్​లో టేలర్.. ఈ మెడల్​ అందుకోవడం ఇది మూడోసారి. కరోనా ప్రభావంతో వర్చువల్​గా జరిగిన ఈ కార్యక్రమం ద్వారా హ్యాడ్లీ ఈ పతకాన్ని ప్రదానం చేశారు.

ఈ సీజన్​లో రాణించి, కివీస్ తరఫున టెస్టుల్లో అత్యధిక పరుగులు చేసిన క్రికెటర్​గా నిలిచాడు. ఇప్పటివరకు ఆ స్థానంలో ఉన్న స్టీఫెన్ ఫ్లెమింగ్​ను అధిగమించాడు. అలానే మూడు ఫార్మాట్లలో కలిపి 100 అంతర్జాతీయ మ్యాచ్​లు ఆడిన తొలి న్యూజిలాండ్​ ఆటగాడిగా నిలిచాడు. అయితే గతేడాది ఎన్నో ఒడిదొడుకులు ఎదురయ్యాయని, ప్రపంచకప్​ ఫైనల్లో ఓడిపోవడం బాధించిందని చెప్పాడు.