అవకాశమొస్తే మెక్​గ్రాత్​తో ఆడతా: రోహిత్​

ఒకవేళ అవకాశమొస్తే దిగ్గజ బౌలర్ మెక్​గ్రాత్​తో ఆడాలనుకుంటున్నట్లు రోహిత్​ శర్మ చెప్పాడు. ఓ నెటిజన్​ ప్రశ్నకు ఇలా సమాధానమిచ్చాడు. ప్రస్తుతం ఐపీఎల్​ కోసం సిద్ధమవుతున్నాడు హిట్​మ్యాన్.

ఆస్ట్రేలియా దిగ్గజ క్రికెటర్​ గ్లెన్​ మెక్​గ్రాత్​ బౌలింగ్​లో తనకు ఆడాలనుందని అంటున్నాడు టీమ్​ఇండియా వై​స్​ కెప్టెన్​ రోహిత్​ శర్మ. ఓ నెటిజన్​ అడిగిన ప్రశ్నకు సమాధానమిస్తూ ఇలా చెప్పాడు.

"గతంలోని ఆటగాళ్లతో ఆడే అవకాశం వస్తే మీరు ఎవరితో ఆడాలనుకుంటున్నారు?" అని ఓ నెటిజన్​ ప్రశ్నించగా.. "మెక్​గ్రాత్​ బౌలింగ్​ను ఎదుర్కొవాలనుకుంటున్నాను" అని వీడియో ద్వారా ట్విట్టర్​లో సమాధానమిచ్చాడు రోహిత్.

టెస్టుల్లో అత్యధికంగా వికెట్లు

మెక్​గ్రాత్..​ ఆసీస్ తరఫున 124 టెస్టులాడి, 563 వికెట్లను పడగొట్టడాడు. వన్డేల్లో 381 వికెట్లు తీశాడు. 2007 ప్రపంచకప్​ తర్వాత ఆటకు వీడ్కోలు పలికాడు​​. ప్రస్తుతం కామెంటేటర్​గా కొనసాగుతున్నాడు.

అన్ని ఫార్మాట్లో స్థానం సుస్థిరం

రోహిత్ శర్మ.. అన్ని ఫార్మాట్లలో తన స్థానాన్ని సుస్థిరం చేసుకున్నాడు. పరిమిత ఓవర్లకు భారత జట్టుకు వైస్​ కెప్టెన్​గా వ్యవహరిస్తున్నాడు. గతేడాది ప్రపంచకప్​లో ఐదు సెంచరీలు నమోదు చేయడం సహా అత్యధిక పరుగులు(648) చేసిన బ్యాట్స్​మన్​గా పేరు తెచ్చుకున్నాడు.

ఖేల్​ రత్నకు ఎంపిక

రోహిత్​ శర్మ.. కెరీర్​లో 224 వన్డేలు, 108 టీ20లు, 32 టెస్టుల్లో టీమ్​ఇండియాకు ప్రాతినిధ్యం వహించాడు. అన్ని ఫార్మాట్లలో కలిపి 14,029 పరుగులను నమోదు చేశాడు. రోహిత్​ను ఇటీవలే రాజీవ్​గాంధీ ఖేల్​ రత్న అవార్డు 2020కు బీసీసీఐకి నామినేట్ చేసింది.