భారత స్టార్ ఓపెనర్ రోహిత్శర్మ.. వెస్టిండీస్తో టీ20 సిరీస్కు సన్నద్ధమవుతున్నాడు. ఓ అరుదైన రికార్డుకు అడుగు దూరంలో ఉన్న హిట్మ్యాన్.. ఓ సిక్స్ కొడితే అన్ని ఫార్మాట్లలో కలిపి 400 సిక్స్లు కొట్టిన తొలి టీమిండియా క్రికెటర్గా నిలుస్తాడు. ప్రస్తుతం 399 సిక్స్లతో ఉన్నాడు. ఇతడి కంటే ముందు '400' క్లబ్లో పాక్ మాజీ కెప్టెన్ షాహిద్ అఫ్రిది(476), విండీస్ విధ్వంసకర గేల్(576) ఉన్నారు.
రికార్డుకు మరో అడుగు దూరంలో రోహిత్శర్మ
టీమిండియా బ్యాట్స్మన్ రోహిత్శర్మ... మరో సిక్స్ కొడితే అన్ని ఫార్మాట్లలో కలిపి 400 సిక్స్లు కొట్టిన తొలి భారత క్రికెటర్గా నిలుస్తాడు. ఈ శుక్రవారం వెస్టిండీస్తో కోహ్లీసేన తొలి టీ20లో తలపడనుంది.
టీమిండియా బ్యాట్స్మన్ రోహిత్శర్మ
రోహిత్ వన్డేల్లో 232, టెస్టుల్లో 52, టీ20ల్లో 115 సిక్స్లు కొట్టాడు. ఈ ఏడాది 67 సిక్స్లు కొట్టి, అంతర్జాతీయ క్రికెట్లో మిగతా క్రికెటర్ల కంటే ముందున్నాడు. గత రెండేళ్లలో వరుసగా 2017లో 65, 2018లో 74 సిక్స్లు కొట్టాడు.
వెస్టిండీస్తో టీ20 సిరీస్లో భాగంగా తొలి మ్యాచ్ హైదరాబాద్లో ఈ శుక్రవారం జరగనుంది. బంగ్లాదేశ్ సిరీస్కు విశ్రాంతి తీసుకున్న కెప్టెన్ కోహ్లీ తిరిగి జట్టులోకి వచ్చాడు. మోకాలి గాయం కారణంగా దూరమైన ధావన్ స్థానంలో సంజూ శాంసన్ చోటు దక్కించుకున్నాడు.