అర్ధశతకంతో పాటు రోహిత్ ఖాతాలో రికార్డు

సఫారీలతో తొలిటెస్టులో ఓపెనర్​గా బరిలోకి దిగిన రోహిత్ శర్మ హాఫ్​ సెంచరీతో ఆకట్టుకున్నాడు. స్వదేశంలో టెస్టుల్లో అత్యధిక సగటు సాధించిన రెండో బ్యాట్స్​మెన్​గా నిలిచాడు.

విశాఖపట్నం వేదికగా దక్షిణాఫ్రికాతో జరుగుతున్న తొలి టెస్టులో భారత ఓపెనర్లు శుభారంభం చేశారు. తొలి రోజు లంచ్​ సమయానికి వికెట్లేమి కోల్పోకుండా 91 పరుగులు చేశారు. ప్రస్తుతం క్రీజులో రోహిత్ శర్మ(51), మయాంక్ అగర్వాల్(39) ఉన్నారు.

మాయంక్ అగర్వాల్-రోహిత్ శర్మ

టెస్టుల్లో తొలిసారి ఓపెనర్​గా బరిలోకి దిగిన రోహిత్ శర్మ.. నెమ్మదిగా ఆడుతూ అర్ధశతకం సాధించాడు. ఈ క్రమంలో ఓ రికార్డు సాధించాడీ క్రికెటర్. స్వదేశంలో జరిగిన టెస్టుల్లో అత్యధిక సగటు సాధించిన వారిలో రెండో స్థానంలో నిలిచాడు. ఈ జాబితాలో ఆస్ట్రేలియా దిగ్గజ బ్యాట్స్​మెన్ డాన్ బ్రాడ్​మన్ 98.22తో అగ్రస్థానంలో ఉండగా, తర్వాతి స్థానాల్లో రోహిత్(91.22), ఆడమ్ వోజెస్(86.25), డగ్లస్ జర్డయిన్(81.66), జార్జ్ హెడ్లీ(77.56) ఉన్నారు.

ఇది చదవండి: అనిల్ కుంబ్లేకు మళ్లీ కోచ్​ బాధ్యతలు..!