ఆస్ట్రేలియాతో జరుగుతున్న మ్యాచ్లో హిట్మ్యాన్ రోహిత్ శర్మ మరో ఘనత సాధించాడు. కంగారూ జట్టుపై 2 వేల పరుగులు సాధించిన నాలుగో ఆటగాడిగా నిలిచాడు. భారత్ తరఫున రెండో ఆటగాడు. సచిన్ 3 వేల 77 పరుగులతో అందరికంటే ముందున్నాడు.
కేవలం 37 ఇన్నింగ్స్ల్లో ఆసీస్పై 2 వేల పరుగులు పూర్తి చేసిన ఆటగాడిగా రోహిత్ రికార్డు సృష్టించాడు. సచిన్ ఈ ఘనత కోసం 40 మ్యాచ్లు తీసుకున్నాడు.
ధావన్-రోహిత్ శతక భాగస్వామ్యం
భారత ఓపెనర్లు రోహిత్-ధావన్ ఓపెనింగ్ వికెట్కు 16వ సారి వంద పరుగుల భాగస్వామ్యాన్ని నమోదు చేసి అత్యధిక సార్లు శతక భాగస్వామ్యాలు నమోదు చేసి రెండో జోడీగా నిలిచిన గిల్క్రిస్ట్-హెడెన్ రికార్డును సమం చేశారు. ఈ జోడీ కూడా 16 సార్లు సెంచరీ భాగస్వామ్యాలు సాధించింది. సచిన్-గంగూలీ జోడీ ఇరవైఒక శతక భాగస్వామ్యాలతో మొదటి స్థానంలో ఉంది. మొదటి వికెట్కు 127 పరుగుల భాగస్వామ్యాన్ని నెలకొల్పారు రోహిత్-ధావన్. ప్రపంచకప్లో ఆసీస్పై భారత్కు ఇదే అత్యధిక ఓపెనింగ్ భాగస్వామ్యం.
ఇవీ చూడండి.. గ్లౌజ్ దుమారంపై ధోనికి వీరేంద్రుడి సలహా
