టీమ్ఇండియా ఓపెనింగ్ జోడీ రోహిత్ శర్మ, శిఖర్ ధావన్ గురించి ప్రత్యేకంగా చెప్పనక్కర్లేదు. వీరిద్దరూ ఇప్పటికే ఎన్నో శతక భాగస్వామ్యాలు నెలకొల్పి, జట్టుకు చాలా విజయాలను అందించారు. ఇటీవలే క్రికెట్ కనెక్టడ్ కార్యక్రమంలో మాట్లాడిన ఇర్ఫాన్ పఠాన్.. ధావన్-రోహిత్లు విజయవంతం కావడానికి గల కారణాల్ని వెల్లడించాడు.
"ధావన్ ఎంత ప్రశాంతంగా ఆడతాడో మనందరికి తెలుసు. అలానే రోహిత్ శర్మ, పరిస్థితులు ఆధారంగా గేర్ మార్చుతూ బ్యాటింగ్లో ఊపు తీసుకొస్తాడు. అయితే వీరిద్దరూ ఒకరి బలాలు, బలహీనతలను మరొకరు అర్థం చేసుకుంటూ ఆడతారు. అందుకే వీరిద్దరి ఓపెనింగ్ జోడీగా విజయవంతమయ్యారు"