టెన్నిస్ దిగ్గజం రోజర్ ఫెదరర్ స్విస్ ఇండోర్ ఛాంపియన్షిప్ టైటిల్ గెలిచాడు. ఫలితంగా కెరీర్‌లో పదోసారి ఈ ఘనత అందుకున్న ఆటగాడిగా రికార్డు సృష్టించాడు. బాసెల్‌ వేదికగా జరిగిన ఫైనల్‌ మ్యాచ్‌లో ఆస్ట్రేలియా ఆటగాడు అలెక్స్ డి మినార్పై 6-2, 6-2 తేడాతో విజయం సాధించాడు.
"ఈ ఆట త్వరగా పూర్తయినా చాలా బాగా సాగింది. నేను అత్యుత్తమంగా ఆడాననుకుంటున్నా. అలెక్స్ కూడా ఈ టోర్నమెంట్‌లో అద్భుత ప్రదర్శన చేశాడు. మా ఆట పట్ల ఇద్దరం సంతోషంగానే ఉన్నామని భావిస్తున్నా. సొంతగడ్డపై పదోసారి ఈ టైటిల్ గెలుపొందడం నాకెంతో ప్రత్యేకంగా అనిపిస్తుంది."
-ఫెదరర్, టెన్నిస్ ఆటగాడు