రోడ్ సేఫ్టీ వరల్డ్ సిరీస్లో ఇండియా లెెజెండ్స్ విజయం సాధించింది. భారత బ్యాటింగ్ దిగ్గజం సచిన్ తెందుల్కర్ సేన.. 10 వికెట్ల తేడాతో బంగ్లాదేశ్ లెజెండ్స్ టీంను చిత్తుగా ఓడించింది.
ఓపెనర్లే ముగించేశారు..
సెహ్వాగ్ 35 బంతుల్లో 80- ఇండియా లెజెండ్స్ విజయం
కరోనా అనంతరం.. తిరిగి ప్రారంభమైన రోడ్ సేఫ్టీ వరల్డ్ సిరీస్ ఐదో మ్యాచ్లో ఇండియా లెజెండ్స్ జట్టు గెలుపొందింది. 10 వికెట్ల తేడాతో బంగ్లాదేశ్ను చిత్తుగా ఓడించింది. సెహ్వాగ్ 35 బంతుల్లో 80, సచిన్ 33 పరుగులతో అదరగొట్టారు.
సెహ్వాగ్ 35 బంతుల్లో 80- ఇండియా లెజెండ్స్ విజయం
110 పరుగుల లక్ష్యంతో బరిలోకి దిగిన ఇండియా లెజెండ్స్ 10.1 ఓవర్లలోనే వికెట్లు కోల్పోకుండా గెలిచింది. విధ్వంసకర ఓపెనర్ సెహ్వాగ్ 35 బంతుల్లోనే 80 పరుగులు చేశాడు. ఇందులో 10 ఫోర్లు, 5 సిక్సర్లు ఉన్నాయి. ఒకప్పటి తన దూకుడైన ఆట తీరును గుర్తుచేశాడు. మరో ఓపెనర్ సచిన్ 26 బంతుల్లో 33 పరుగులతో అజేయంగా నిలిచాడు.
తొలుత బ్యాటింగ్ చేసిన బంగ్లాదేశ్ జట్టు.. 19.4 ఓవర్లలో 109 పరుగులకు ఆలౌట్ అయింది.
ఓపెనర్ నజీముద్దిన్(49) టాప్ స్కోరర్. భారత బౌలర్లలో వినయ్ కుమార్, ప్రజ్ఞాన్ ఓజా, యువరాజ్ సింగ్ తలో రెండు వికెట్లు తీశారు.