టెస్టుల్లో కీపర్ స్థానం కోసం యువ ఆటగాడు రిషబ్‌ పంత్, వృద్ధిమాన్‌ సాహాల మధ్య చాలాకాలం నుంచి గట్టి పోటీ నడుస్తోంది. అయితే తాజాగా ఇంగ్లాండ్తో జరగబోయే తొలి టెస్టులో సాహా కన్నా పంత్ను ఆడించడమే తమ తొలి ప్రాధాన్యం అని చెప్పాడు టీమ్ఇండియా సారథి కోహ్లీ. అతడే ఆడతాడని స్పష్టం చేశాడు.
"తొలి టెస్టులో పంత్ ఆడతాడు. అతడు మంచి ఫామ్లో ఉన్నాడు. ఆట కోసం అన్ని విభాగాల్లోనూ బాగా కష్టపడుతున్నాడు. ఆస్ట్రేలియాతో జరిగిన టెస్టు సిరీస్లో అతడు అద్భుతంగా రాణించాడు. అతడు తన ఫామ్ను అలానే కొనసాగించాలని ఆశిస్తున్నాను."
-కోహ్లీ, టీమ్ఇండియా సారథి.
ఆస్ట్రేలియాతో జరగబోయే సిరీస్ కోసం తుదిజట్టు కూర్పు మేనేజ్మెంట్కు తలనొప్పిగా తయారైంది. బౌలింగ్ విషయానికొస్తే ఎవరిని తీసుకోవాలనే విషయంలో సందిగ్ధంలో పడింది బోర్డు. ఈ విషయమై మాట్లాడిన విరాట్.. ఇకపై అన్ని మ్యాచులకు దాదాపుగా బ్యాటింగ్ చేయగలిగే బౌలర్లను తీసుకోవడమే తొలి ప్రాధాన్యం అని చెప్పాడు. తాను గౌర్హాజరీ సమయంలో తాత్కాలిక సారథిగా వ్యవహరించిన అజింక్యా రహానెను ప్రశంసించాడు. జట్టును సమర్థవంతగా ముందుకు నడిపించాడని అన్నాడు. తామిద్దరు మధ్య మంచి స్నేహబంధం ఉందని వెల్లడించాడు.
ప్రస్తుతం భారత్ పర్యటనలో భాగంగా చెన్నైలో ఉంది ఇంగ్లాండ్. ఇరుజట్ల మధ్య నాలుగు టెస్టులు, ఐదు టీ20లు, మూడు వన్డేలు జరగనున్నాయి. ఫిబ్రవరి 5 నుంచి మొదటి టెస్టు ప్రారంభం కానుంది. తొలి రెండు టెస్టులు చెన్నైలో, మూడు(డేనైట్), నాలుగో మ్యాచ్కు అహ్మదాబాద్ (మొతేరా స్టేడియం) వేదిక కానుంది.
ఇదీ చూడండి: రైతు ఉద్యమంపై టీమ్ఇండియాతో సారథి కోహ్లీ చర్చ
