రషీద్​ఖాన్​ 'క్యామెల్​' బ్యాట్​ చూశారా..!

ఆఫ్గానిస్థాన్‌ క్రికెటర్​ రషీద్‌ఖాన్‌ మరోసారి వార్తల్లో నిలిచాడు. ఎప్పుడూ బంతితో రాణించే ఈ క్రికెటర్​... ఈసారి బ్యాట్​తో చర్చనీయాంశంగా మారాడు. ప్రస్తుతం బిగ్​బాష్​ లీగ్​లో అడిలైడ్​ స్ట్రైకర్స్​​ తరఫున ఆడుతున్న ఈ క్రికెటర్​... క్యామెల్​ బ్యాట్​తో కనువిందు చేశాడు.

బిగ్​బాష్​ లీగ్​లో ఆఫ్గానిస్థాన్​ యువ క్రికెటర్​ రషీద్​ఖాన్​ విభిన్నమైన బ్యాట్​తో ఆకట్టుకున్నాడు. ​ఒంటె మూపురం ఆకారంలో ఉండే డిజైన్​ కలిగిన బ్యాట్​ను వినియోగించాడు. క్యామెల్​ బ్యాట్​గా పిలిచే ఈ విభిన్నమైన బ్యాట్​.. నెట్టింట వైరల్​గా అవుతోంది.

రషీద్​ఖాన్​ 'క్యామెల్​' బ్యాట్

ఆల్​రౌండర్​ ప్రదర్శన...

ఆదివారం మెల్​బోర్న్​ రెనెగేడ్స్​తో జరిగిన మ్యాచ్​లో ఆల్​రౌండర్​ ప్రదర్శనతో ఆకట్టుకున్నాడు అడిలైడ్​ స్ట్రైకర్స్​​ క్రికెటర్​ రషీద్​ఖాన్​. బ్యాట్స్​మన్​గా 25 పరుగులతో( 16 బంతుల్లో; 2 ఫోర్లు, 2 సిక్సర్లు) రాణించాడు. అంతేకాకుండా ఫిలిఫ్​ సాల్ట్​(54), అలెక్స్​ కేరీ(41) చక్కటి ప్రదర్శనతో నిర్ణీత 20 ఓవర్లలో 6 వికెట్ల నష్టానికి 155 పరుగులు చేసింది అడిలైడ్​ స్ట్రైకర్స్​​ జట్టు.

అనంతరం లక్ష్య ఛేదనలో 8 వికెట్ల నష్టానికి 137 పరుగులే చేయగలిగింది మెల్​బోర్న్​ రెనెగేడ్స్​ జట్టు. ఆరోన్​ ఫించ్​(50), వెబ్​స్టర్​(37)మాత్రమే రాణించారు. బౌలింగ్​లో రషీద్​, వెస్​ అగర్​, క్యామరాన్​ చెరో రెండేసి వికెట్లు తీసుకున్నారు. ఫలితంగా అడిలైడ్​ స్ట్రైకర్స్​​ జట్టు 18 పరుగుల తేడాతో విజయం సాధించింది.

రషీద్​... కెరీర్​లో ఇప్పటివరకు 4 టెస్టులు, 70 వన్డేలు, 45 టీ20లు ఆడాడు. ఈ మూడు ఫార్మాట్లలో 1160 రన్స్​ చేయగా... 240 వికెట్లు తీశాడు.

ఇదీ చదవండి...