టీమిండియా కెప్టెన్గా ఎవరు వచ్చినా కోరుకునేది ఒక్కటే. 1983లో కపిల్దేవ్ చేసిన మ్యాజిక్ను మరోసారి పునరావృతం చేయాలని. అప్పుడు అనామక జట్టుగా మెగాటోర్నీలో అడుగుపెట్టిన భారత్.. కపిల్ సారథ్యంలో విశ్వవిజేతగా అవతరించింది. జట్టులో అందరిని సమన్వయం చేసుకుంటూ అద్భుతంగా ముందుకు నడిపించాడు కపిల్. ఇప్పటికీ 'కపిల్ డెవిల్స్' కప్ అందుకుంటున్న ఫొటో చూస్తే ఒళ్లు గగుర్పొడుస్తుంది. అభిమానుల మదిలో ఆనాటి జ్ఞాపకాలు గుర్తొస్తాయి. ప్రతి క్రికెటర్, ప్రతి కెప్టెన్ అలాంటి రోజు కోసమే ఎదురుచూస్తాడు.
మీరు మాకు గర్వకారణం.. ఇప్పుడు మా వంతు: రణ్వీర్
భారత ప్రముఖ క్రికెటర్ కపిల్దేవ్ పుట్టినరోజు సందర్భంగా, హీరో రణ్వీర్ సింగ్ శుభాకాంక్షలు చెప్పాడు. ఆయనతో '83' సెట్లో ఉన్న ఫొటోలు పంచుకున్నాడు. అవి ప్రస్తుతం వైరల్గా మారాయి.
దిగ్గజ క్రికెటర్ కపిల్దేవ్తో రణ్వీర్ సింగ్
ఇప్పుడు ఆ ఇంద్రజాలాన్ని కపిల్ బయోపిక్ '83' ద్వారా వెండితెరపై చూపించనున్నారు. రణ్వీర్ సింగ్ ఇందులో హీరోగా, అతడి భార్య రోమిగా దీపిక కనిపించనుంది. కబీర్ ఖాన్ దర్శకుడు. ఏప్రిల్10న ప్రేక్షకుల ముందుకు రాబోతుంది.
ఈ సినిమా కోసం ఎన్నోసార్లు కపిల్ను కలిశాడు రణ్వీర్. ఆయన హావభావాలు, ముఖ కవళికలు, బౌలింగ్, బ్యాటింగ్, ఫీల్డింగ్, పరుగెత్తడం వంటివి నేర్చుకున్నారు. సోమవారం(జనవరి 6) కపిల్ పుట్టినరోజు. ఈ సందర్భంగా రణ్వీర్ శుభాకాంక్షలు చెప్పాడు. "మీరు మాకు గర్వకారణమని, ఇప్పుడు మా వంతు వచ్చింది" అని ఇన్స్టాలో రాసుకొచ్చాడు. సెట్లో ఆయనతో ఉన్న ఫొటోలను ఇన్స్టాలో పంచుకున్నాడు.