'ఆమిర్ రిటైర్మెంట్​.. భావి క్రికెటర్లకు ఓ పాఠం'

పాక్ స్టార్ బౌలర్ మహ్మద్​ ఆమిర్ రిటైర్మెంట్ పట్ల భావోద్వేగానికి గురయ్యాడు ఆ దేశ మాజీ ఆటగాడు రమీజ్ రాజా. ఒక సమర్థవంతమైన యువ ఆటగాడు అకస్మాత్తుగా ముగించడం బాధాకరమని వెల్లడించాడు.

పాకిస్థాన్ స్టార్​ బౌలర్​ మహ్మద్​ ఆమిర్ అంతర్జాతీయ క్రికెట్​కు రిటైర్మెంట్​ ప్రకటించడంపై ఆ దేశ మాజీ ఆటగాడు రమీజ్ రాజా ఆవేదన వ్యక్తం చేశాడు. ఒక అత్యుత్తమ ఆటగాడు కెరీర్​ను అకస్మాత్తుగా ముగించడం చాలా బాధగా ఉందని అన్నాడు.

"ఓ సమర్థవంతమైన సూపర్​స్టార్​ అకస్మాత్తుగా రిటైరవ్వడం బాధాకరం. భావి క్రికెటర్లకు ఇదొక పాఠం. మీ బాధ్యతలను గుర్తించండి. గౌరవాన్ని తాకట్టు పెట్టి డబ్బు సంపాదించకండి. బలమైన వ్యక్తిత్వం వల్లే గౌరవం లభిస్తుంది కానీ సంపదతో అది రాదు"

-- రమీజ్ రాజా, పాక్ మాజీ ఆటగాడు

వ్యక్తిగత నిర్ణయం..

ఆమిర్​ రిటైర్మెంట్​ను పాకిస్థాన్ క్రికెట్ బోర్డు నిర్ధారించింది. ఇది అతడి వ్యక్తిగత నిర్ణయమని, దీనిని పీసీబీ గౌరవిస్తుందని చెప్పింది. ఈ అంశంపై ఇప్పుడే ఏమీ చెప్పలేమని పేర్కొంది.

అంతర్జాతీయ క్రికెట్​ నుంచి మహమ్మద్ ఆమిర్ గురువారం అనూహ్యంగా వీడ్కోలు పలికాడు. ఆ దేశ బోర్డు నుంచి ఎదురైన టార్చర్​ అందుకు కారణమని చెప్పాడు. అతడి నిర్ణయం ఎంతోమంది అభిమానులతో పాటు మాజీ, వర్ధమాన క్రికెటర్లను ఆశ్చర్యపరిచింది.

అదిరిపోయిన ఆరంభం..

2009లో ఆమిర్ అంతర్జాతీయ క్రికెట్​ అరంగేట్రం చేశాడు. శ్రీలంకతో ఆడిన తొలి టెస్టులోనే 3/74, 3/38 గణాంకాలు నమోదు చేశాడు. ఆ తర్వాత కాలంలో మ్యాచ్ ​ఫిక్సింగ్​ చేయడం అతడి కెరీర్​లో మాయని మచ్చగా మిగిలిపోయింది. మొత్తంగా 36 టెస్టులు, 61వన్డేలు, 50 టీ20లు ఆడాడు.

ఇదీ చూడండి:పాకిస్థాన్ పేసర్ ఆమిర్ రిటైర్మెంట్