'ధోనీ కెప్టెన్సీ వల్లే చెన్నై జట్టు ఇలా ఉంది'

ఐపీఎల్ ధోనీ సారథ్యం వల్లే చెన్నై సూపర్​ కింగ్స్ టాప్ ఫ్రాంఛైజీగా కొనసాగుతుందని అన్నాడు బ్యాట్స్​మన్ సురేశ్ రైనా. వీరిద్దరూ గత కొన్నేళ్లుగా ఇదే జట్టుకు ప్రాతినిధ్యం వహిస్తూ, పలు విజయాల్లో పాలుపంచుకున్నారు.

టీమిండియా కెప్టెన్ మహేంద్ర సింగ్​ ధోనీపై ప్రశంసలు కురిపించాడు సీనియర్ క్రికెటర్ సురేశ్​ రైనా. అతడి కెప్టెన్సీ వల్లే చెన్నై సూపర్​కింగ్స్​.. ఐపీఎల్​ చరిత్రలో టాప్ ఫ్రాంఛైజీగా మారిందని అన్నాడు. సారథిగా అతడు జట్టును నడిపించే తీరు అద్భుతమని కొనియాడాడు.

"వికెట్ల వెనకుండి ధోనీ మ్యాచ్​ను ఆసాంతం నడిపిస్తాడు. ఏ పరిస్థితుల్లో ఎవరితో బౌలింగ్ చేయించాలో అతడికి బాగా తెలుసు" -సురేశ్​ రైనా, టీమిండియా సీనియర్ క్రికెటర్​

2008లో ఐపీఎల్​ మొదలైనప్పటి నుంచి చెన్నైకు ధోనీ కెప్టెన్సీ వహిస్తున్నాడు. అన్ని సీజన్లలో ఫ్లే ఆఫ్స్​కు అర్హత సాధించిన ఈ జట్టు.. మూడుసార్లు విజేతగా నిలిచింది. ఐదుసార్లు రన్నరప్స్​గా ఉంది.​

వెటరన్​ బ్యాట్స్​మెన్​ సురేష్​ రైనా

33 ఏళ్ల రైనా.. సీఎస్​కే తరఫున ముఖ్యమైన బ్యాట్స్​మన్. ఐపీఎల్​లో అత్యధిక పరుగుల చేసిన వారిలో రెండోవాడు. ప్రస్తుతం ఇతడు 5, 368 పరుగులు చేశాడు. ప్రస్తుతం లాక్​డౌన్ వల్ల ఇంట్లోనే ఉన్న రైనా.. ప్రజలందరూ ప్రభుత్వం చెప్పిన సూచనలు పాటించాలని కోరాడు.

మార్చి 29న ప్రారంభం కావాల్సిన ఐపీఎల్​ను, కరోనా వల్ల ఏప్రిల్ 15కు వాయిదా వేశారు. తాజాగా లాక్​డౌన్​ను మే 3వరకు పొడిగిస్తూ కేంద్రం నిర్ణయం తీసుకుంది. దీంతో ఈ టోర్నీని నిరవధిక వాయిదా వేశారు.

ఇదీ చూడండి : 'ఆ విషయం నేను ధోనీ నుంచే నేర్చుకున్నా'