తాజాగా విడుదల చేసిన ఐసీసీ టీ20 ర్యాంకింగ్స్లో తన స్థానాన్ని మెరుగుపర్చుకున్నాడు టీమ్ఇండియా సారథి విరాట్ కోహ్లీ. ప్రస్తుతం 697 పాయింట్లతో ఏడో స్థానంలో ఉన్నాడు. అలాగే మరో ఆటగాడు కేఎల్ రాహుల్ 816 పాయింట్లతో మూడో స్థానంలో కొనసాగుతున్నాడు. బ్యాటింగ్, బౌలింగ్, ఆల్రౌండర్ విభాగాల్లో కలిపి భారత్ నుంచి టాప్-10లో వీరిద్దరు మాత్రమే చోటు దక్కించుకోవడం గమనార్హం. ఇంగ్లాండ్ బ్యాట్స్మన్ డేవిడ్ మలన్ 915 పాయింట్లతో అగ్రస్థానంలో నిలవగా, పాక్ కెప్టెన్ బాబర్ అజామ్ 820 పాయంట్లతో రెండో స్థానంలో నిలిచాడు.
కోహ్లీ అన్ని ఫార్మాట్లలోనూ టాప్-10లో కొనసాగుతుండటం విశేషం. వన్డేల్లో అగ్రస్థానంలో ఉన్న ఇతడు, టెస్టుల్లో రెండో స్థానంలో నిలిచాడు.