టీ20 ర్యాంకింగ్స్: రాహుల్ 6, కోహ్లీ 9

టీ20 ర్యాంకులను ప్రకటించింది ఐసీసీ. భారత్ బ్యాట్స్​మెన్లలో రాహుల్ ఆరో స్థానంలో నిలవగా కోహ్లీ 9వ ర్యాంకుకు చేరుకున్నాడు.

ఐసీసీ విడుదల చేసిన టీ20 ర్యాంకింగ్స్​లో టీమిండియా ఆటగాడు రాహల్​ ఆరోస్థానంలో నిలిచాడు. కోహ్లీ 9, ధావన్​ 15వ ర్యాంకుల్లో ఉన్నారు.

శ్రీలంకతో జరిగిన టీ20 సిరీస్​లో సత్తాచాటిన టీమిండియా బ్యాట్స్​మన్ కేఎల్ రాహుల్ 760 పాయింట్లతో ఆరోస్థానాన్ని కాపాడుకున్నాడు. భారత్ తరఫున ఇతడే టాప్​ ర్యాంకర్ కావడం గమనార్హం. వన్డే, టీ20ల్లో అగ్రస్థానంలో ఉన్న కోహ్లీ పొట్టి ఫార్మాట్​లో టాప్​-10లో నిలిచాడు. ప్రస్తుతం 9వ స్థానంలో ఉన్నాడు. ధావన్ 15వ ర్యాంకులో నిలిచాడు. పాకిస్థాన్ బ్యాట్స్​మన్ బాబర్ ఆజామ్, ఆసీస్ ఆటగాడు ఫించ్ మొదటి రెండు స్థానాల్లో ఉన్నారు.

బౌలర్ల ర్యాంకింగ్స్​లో ఒక్క భారత బౌలర్ టాప్​-10లో లేకపోవడం గమనార్హం. లంక సిరీస్​లో సత్తాచాటిన నవదీప్ సైనీ 146 స్థానాలు అధిగమించి 98వ ర్యాంకుకు చేరుకున్నాడు. శార్దూల్ ఠాకూర్ 92వ ప్లేస్​లో ఉన్నాడు. భారత్ నుంచి వాషింగ్డన్ సుందర్ 14వ ర్యాంకే టీమిండియాకు ఉత్తమం.

జట్టు ర్యాంకింగ్స్​లో భారత్​ ఐదో స్థానంలో కొనసాగుతోంది. పాకిస్థాన్, ఆస్ట్రేలియా తొలి రెండు స్థానాల్లో ఉన్నాయి.

ఇవీ చూడండి.. బుమ్రా గురించి ఎక్కువగా ఆలోచించం: ఫించ్