తన కెరీర్కూ 17వ నెంబర్కు ఏదో సంబంధం ఉందేమో అని అభిప్రాయపడ్డాడు అజింక్య రహానె. శతకం కోసం 17 టెస్టులు ఎదురుచూడాల్సి వచ్చిందని తెలిపాడు. అరంగేట్రం నుంచి ఇప్పటివరకూ ఎంతో నేర్చుకున్నానని చెప్పాడు రహానె.
"ప్రతి మ్యాచ్, ప్రతి సిరీస్ నుంచి ఏదోకటి నేర్చుకోవాలి. టెస్టుల్లో అరంగేట్రం చేసేందుకు రెండేళ్లు ఎదురు చూడాల్సి వచ్చింది. అలాగే వెస్టిండీస్పై సెంచరీ కోసమూ రెండేళ్లు (17 టెస్టులు) వేచి చూడక తప్పలేదు. అందుకే 17వ నెంబర్తో ఏదో సంబంధం ఉంది" -అజింక్య రహానె, టీమిండియా క్రికెటర్
ఒంటరిగా కూర్చుని శతకం ఎందుకు చేయాలేకపోయానా అని ఆలోచించేవాడినని చెప్పాడు రహానె
"హ్యాంప్‌షైర్‌ తరపున ఆడినప్పుడు ఒంటరిగా ఆలోచించేవాడిని. నా టెస్టు అరంగేట్రం ముందు నా ఆలోచన ధోరణి ఎలా ఉండేది? 17 టెస్టులైనా సెంచరీ చేయలేకపోయానే లాంటి ఆలోచనలు సాగేవి. నేను శతకం కోసం ఆలోచించినంత కాలం అది నాకు దక్కలేదు. అందుకే విండీస్‌లో శతకం గురించి ఒక్కసారీ ఆలోచించలేదు. ఏమైనా జరగనివ్వండి అనుకున్నా. చేస్తే శతకం చేస్తాను అనుకున్నా" -అజింక్య రహానె, టీమిండియా క్రికెటర్