ఇండియన్ ప్రీమియర్ లీగ్లో పాల్గొనేందుకు దుబాయ్ వెళ్లాడు రవిచంద్రన్ అశ్విన్. దిల్లీ క్యాపిటల్స్ తరఫున ఈ సీజన్ ఆడనున్నాడు. ఈ క్రమంలోనే మాట్లాడుతూ.. బ్యాట్సమెన్కు ఫ్రీ-హిట్ ఉన్నట్లే బౌలర్లకు ఫ్రీ బాల్ ఉండాలని అభిప్రాయపడ్డాడు. తద్వారా వారిద్దరి మధ్య గట్టి పోటీ ఉంటుందని అన్నాడు. మన్కడింగ్కు ప్రత్యామ్నాయంగా ఈ నిబంధన తీసుకురావాలని తెలిపాడు. సెప్టెంబరు 19 నుంచి నవంబరు 10 వరకు ప్రస్తుత సీజన్ జరగనుంది.
"బౌలర్ బంతిని విసిరేలోపు, బ్యాట్స్మన్ నాన్ స్ట్రైకర్ ఎండ్ దాటితే, తర్వాతి బంతిని ఫ్రీబాల్గా ప్రకటించాలి. ఒకవేళ వేసిన బంతికి బ్యాట్స్మన్ ఔటైతే బ్యాటింగ్ చేస్తున్న జట్టుకు ఐదు పరుగులు తగ్గించాలి. ఫ్రీ హిట్ అనేది బ్యాట్స్మన్కు అవకాశం కల్పిస్తుంది. అది బౌలర్లకు కూడా ఇవ్వాలని కోరుతున్నాను"