టీమ్ఇండియా టెస్టు స్పెషలిస్టు ఛెతేశ్వర్ పుజారా వికెట్ను పడగొట్టేందుకు తమ జట్టు ఆటగాళ్లంతా కలిసి లోతుగా ఆలోచించామని అంటున్నాడు ఆస్ట్రేలియా స్పిన్నర్ నాథన్ లియోన్. పుజారా లాంటి ప్రపంచస్థాయి బ్యాట్స్మన్తో ఆడటం సవాలుతో కూడుకున్నదని వర్చువల్ ప్రెస్ మీట్లో వెల్లడించాడు.
ఆస్ట్రేలియా స్పిన్నర్ నాథన్ లియోన్ వర్చువల్ ఇంటర్వ్యూ
"మీతో నిజాయతీగా ఉండటానికి మా రహస్యాలను బయటకు పెట్టలేను. కానీ, పుజారా లాంటి ప్రపంచస్థాయి బ్యాట్స్మన్ సిరీస్ మొత్తం మాకో పెద్ద సవాలు. సిరీస్ ప్రారంభానికి ముందు అతడి ఆటతీరు గురించి లోతుగా చర్చించుకున్నాం. అడిలైడ్లో మా ప్రణాళికలు కలిసి రావడం ఆనందంగా ఉంది. అతడి కోసం మరికొన్ని ప్రణాళికలను రూపొందిస్తున్నాం. వాటిలో ఆ బ్యాట్స్మన్ చిక్కుకునే అవకాశం ఉంది. ప్రపంచంలోని అత్యుత్తమ ఆటగాళ్లకు సవాళ్లు చేయడం ఎప్పుడూ సరదాగానే ఉంటుంది. పుజారా కచ్చితంగా అలాంటి వాళ్లలో ఒకరు".