ఫిబ్రవరి 20 నుంచి ఆర్భాటంగా ప్రారంభమైన పాకిస్థాన్ సూపర్లీగ్కు ఊహించని షాక్ తగిలింది. టోర్నీలో ఏడుగురికి కరోనా సోకడం వల్ల లీగ్ను వాయిదా వేస్తున్నట్లు పాకిస్థాన్ క్రికెట్ బోర్డు గురువారం ప్రకటించింది. ఇందులో ఆరుగురు ఆటగాళ్లు ఉండగా.. ఒక సహాయక సిబ్బంది ఉన్నారు.
"ప్రస్తుత పరిస్థితులను నేపథ్యంలో దృష్టిలో ఉంచుకుని ఫ్రాంచైజీలతో పాటు ఆరోగ్య అధికారులతో సమావేశం నిర్వహించాం. వారితో మాట్లాడిన తర్వాత పాకిస్థాన్ సూపర్లీగ్ ప్రస్తుత సీజన్ను వాయిదా వేయాలని నిర్ణయించుకున్నాం.
- పాకిస్థాన్ క్రికెట్ బోర్డు
టోర్నీలో ఇంతకుముందు నాలుగు కొవిడ్ కేసులు నమోదవ్వగా.. గురువారం తాజాగా మరో ముగ్గురు ఆటగాళ్లకు కరోనా సోకినట్లు పీసీబీ తెలిపింది. కరోనా సోకిన ఆటగాళ్లందర్నీ ప్రస్తుతం ఐసోలేషన్కు పంపినట్లు బోర్డు వెల్లడించింది.
పాకిస్థాన్ సూపర్లీగ్.. ఫిబ్రవరి 20 నుంచి ప్రారంభమైన తర్వాత ఇప్పటివరకు 14 మ్యాచ్లు జరిగాయి. మరో 20 లీగ్ మ్యాచ్లను నిర్వహించాల్సిఉంది.
గతేడాది జరిగిన పీఎస్ఎల్ 5వ సీజన్నూ కరోనా కారణంగా వాయిదా వేయగా.. మిగిలిన మ్యాచ్లను నవంబరులో నిర్వహించారు. లీగ్ ముగిసిన తర్వాత పాకిస్థాన్ జట్టు న్యూజిలాండ్ పర్యటనకు వెళ్లగా అక్కడ 9 మంది పాక్ క్రికెటర్లకు కరోనా సోకింది.
ఇదీ చూడండి:పీఎస్ఎల్లో మరో ముగ్గురికి కరోనా పాజిటివ్
