టీమ్ఇండియా కెప్టెన్ విరాట్ కోహ్లీ పట్ల తాను గర్వంగా ఉన్నానని భారత మాజీ క్రికెటర్ సచిన్ తెందుల్కర్ పేర్కొన్నాడు. 2014 ఇంగ్లాండ్ పర్యటన సందర్భంగా కోహ్లీ ఎదుర్కొన్న గడ్డు పరిస్థితుల గురించి బయటకు చెప్పడం గొప్ప విషయమని తెలిపాడు. సదరు పర్యటన అనంతరం ఒత్తిడిని అధిగమించేందుకు విరాట్ చేసిన ప్రయత్నాన్ని మాస్టర్ కొనియాడాడు.
"విరాట్.. నీ విజయం పట్ల గర్వంగా ఉంది. నీ వ్యక్తిగత విషయాలను మాతో పంచుకోవడం గొప్ప విషయం. ఈ రోజుల్లో యువకులు సామాజిక మాధ్యమాల్లో ఇతరుల గురించి చర్చిస్తున్నారు. తమ గురించి తాము మాట్లాడటం లేదు." అంటూ సచిన్ ట్వీట్ చేశాడు.