వెస్టిండీస్ స్టార్ క్రికెటర్ కీరన్ పొలార్డ్ తండ్రి మృతి చెందారు. ఈ విషయాన్ని సామాజిక మాధ్యమాల ద్వారా వెల్లడించాడు పొలార్డ్. అతనితో పాటు తన తండ్రి కలిసి ఉన్న పలు ఫొటోలను అందులో షేర్ చేసుకున్నాడు. 2019 ఐపీఎల్ ట్రోఫీతో పొలార్డ్, అతని నాన్న కలిసి ఉన్న ఫొటోను షేర్ చేస్తూ భావోద్వేగంతో క్యాప్షన్ జోడించాడు.
"శాంతియుతంగా, మనోహరంగా.. చాలా హృదయాలను, ఆత్మలను కదిలించారు. మున్ముందు మిమ్మల్ని గర్వించేలా చేస్తా. ఇకపై 'పొడవైన కుర్రాడు' లేరు. మీరు మంచి ప్రదేశంలో ఉన్నారని నాకు తెలుసు" అని పొలార్డ్ ఆ ఫొటో కింద క్యాప్షన్ ఇచ్చాడు.