ఉత్తరప్రదేశ్ మంత్రి, మాజీ క్రికెటర్ చేతన్ చౌహాన్ మృతికి భారత ప్రధాని నరేంద్ర మోదీ, ఉప రాష్ట్రపతి వెంకయ్య నాయుడు సంతాపం తెలిపారు. క్రికెటర్గా, రాజకీయ నాయకుడిగా చేతన్ దేశానికి ఎంతో సేవ చేశారని.. అలాంటి వ్యక్తి అర్ధాంతరంగా మరణించడం పట్ల తీవ్ర ఆవేదన వ్యక్తం చేశారు.
"శ్రీ చేతన్ చౌహాన్.. ముందు అద్భుతమైన క్రికెటర్గా, తర్వాత శ్రద్ధగల రాజకీయ నాయకుడిగా తనను తాను మల్చుకున్నారు. ఉత్తరప్రదేశ్లో భారతీయ జనతా పార్టీని బలోపేతం చేయడం సహా ప్రజాసేవ కార్యక్రమాల్లో ముందు నిలిచారు. ఆయన మరణం ఎంతోక్షోభకు గురిచేసింది. చేతన్ చౌహాన్ కుటుంబానికి, మద్దతుదారులకు నా సంతాపాన్ని తెలియజేస్తున్నా. ఓం శాంతి."
- నరేంద్ర మోదీ, ప్రధానమంత్రి
"మాజీ క్రికెటర్, ఉత్తరప్రదేశ్ మంత్రి శ్రీ చేతన్ చౌహాన్ మృతి తీవ్ర మనస్తాపానికి గురిచేసింది. భారత క్రికెట్కు ఆయన ఎనలేని కృషి చేశారు. రెండు సార్లు పార్లమెంట్ సభ్యుడిగానూ పని చేశారు. చేతన్ చౌహన్ కుటుంబానికి, అభిమానులకు నా సంతాపాన్ని తెలియజేస్తున్నా. ఓం శాంతి."
-వెంకయ్య నాయుడు, ఉప రాష్ట్రపతి
కరోనా వైరస్ సోకిన కారణంగా శరీర అవయవాలన్నీ పని చేయడంలో విఫలమయ్యాయని చౌహాన్ సోదరుడు పుష్పేంద్ర చౌహాన్ ప్రకటించారు. దీంతో ఆదివారం మాజీ క్రికెటర్ మరణించాడని వెల్లడించారు.
చేతన్ చౌహాన్.. టీమ్ఇండియా తరపున 40 టెస్టుల్లో 73 పరుగులు నమోదు చేశారు. ఆయనకు భార్య, కుమారుడు వినాయక్ ఉన్నారు. చేతన్.. ఉత్తరప్రదేశ్ క్యాబినేట్లో సైనిక వెల్ఫేర్, హోమ్ గార్డ్స్, పీఆర్డీ, సివిల్ సెక్యూరిటీ దస్త్రాల మంత్రిత్వశాఖకు బాధ్యతలు వహిస్తూ.. తుదిశ్వాస విడిచారు.
