పాక్​ బ్యాటింగ్, స్పిన్ బౌలింగ్ కోచ్​లుగా యూనిస్, ముస్తాక్

ఇంగ్లాండ్​ పర్యటన నిమిత్తం మాజీ కెప్టెన్​ యూనిస్​ భాన్​ను జట్టు బ్యాటింగ్​ కోచ్​గా నియమించింది పీసీబీ. మాజీ స్పిన్నర్​ ముస్తాక్​ అహ్మద్​ను స్పిన్​ బౌలింగ్​ కోచ్​గా ప్రకటించింది.

త్వరలో ఇంగ్లాండ్​ పర్యటనకు వెళ్లనుంది పాకిస్థాన్ జట్టు. అక్కడ మూడు టెస్టులు, మూడు టీ20లు ఆడనుంది. ఈ టూర్​కు ముందు కొత్త కోచ్​లను నియమించింది పాకిస్థాన్ క్రికెట్ బోర్డు. బ్యాటింగ్​ కోచ్​గా యూనిస్ ఖాన్, స్పిన్ బౌలింగ్​ కోచ్​గా ముస్తాక్ అహ్మద్​ల పేర్లు ప్రకటించింది.

"యూనిస్​ లాంటి అత్యుత్తమ బ్యాటింగ్​ ప్రతిభ కలిగిన వ్యక్తి.. పాక్​ పురుషుల జట్టు బ్యాటింగ్​ కోచ్​గా రావడం ఎంతో సంతోషంగా ఉంది. ఇక ముస్తాక్​ స్పిన్నర్లకు టెక్నిక్​లు నేర్పించడం, మ్యాచ్​ ప్లానింగ్​ తదితర విషయాల్లో పాక్​ క్రికెట్​ కోచ్​ మిస్బాకు సాయంగా ఉంటారు."

-వసీం ఖాన్, పీసీబీ చీఫ్ ఎగ్జిక్యూటివ్

యూనిస్​ ఖాన్ 118 టెస్టులు ఆడి 10,099 పరుగులు చేశాడు. కెరీర్​లో 313 పరుగుల వ్యక్తిగత అత్యుత్తమాన్ని నెలకొల్పాడు. ఈ క్రమంలోనే ఐసీసీ ర్యాంకింగ్స్​లో ప్రపంచ నంబర్​ వన్​ బ్యాట్స్​మెన్​గా నిలిచాడు. పాక్​ తరఫున 52 టెస్టులకు ప్రాతినిధ్యం వహించి 185 వికెట్లు తీసిన మాజీ లెగ్​ స్పిన్నర్​ ముస్తాక్ అహ్మద్​..​ జట్టుకు మెంటార్​గానూ వ్యవహరించనున్నాడు. గతంలో ఇంగ్లాండ్​, వెస్టిండీస్​ జట్లకు స్పిన్​ బౌలింగ్​ కోచ్​గా పని చేశాడు.

ఇదీ చూడండి:'ధోనీ.. నీ కెరీర్​కు ముగింపు పలుకుతాడు'