పార్థివ్ పటేల్ రిటైర్మెంట్.. అన్ని ఫార్మాట్లకు వీడ్కోలు

అన్ని ఫార్మాట్ల నుంచి తప్పుకుంటున్నట్లు క్రికెటర్ పార్థివ్ పటేల్ ప్రకటించాడు. ఈ మేరకు సోషల్ మీడియాలో పోస్ట్ పెట్టాడు.

అంతర్జాతీయ క్రికెట్​కు వికెట్​ కీపర్​ బ్యాట్స్​మన్ పార్థివ్ పటేల్ రిటైర్మెంట్​ ప్రకటించాడు. అన్ని ఫార్మాట్ల నుంచి తప్పుకుంటున్నట్లు బుధవారం(డిసెంబరు 9) ప్రకటించాడు.

పార్థివ్ పటేల్ రిటైర్మెంట్ ప్రకటన

17 ఏళ్ల వయసులో 2002 జనవరి 4న న్యూజిలాండ్​పై వన్డేతో పార్థివ్ భారత్​ తరఫున అరంగేట్రం చేశాడు. 2012 ఫిబ్రవరి 21న ఇంగ్లాండ్​ వన్డే చివరగా ఆడాడు. 2002 ఆగస్టు 8న తొలి టెస్టు, 2018 జనవరి 24న చివరి టెస్టులో పాల్గొన్నాడు.

భారత్​ తరఫున రెండు అంతర్జాతీయ టీ20లు, గుజరాత్​ తరఫున 194 ఫస్ట్​క్లాస్ మ్యాచ్​లు ఆడాడు. ఐపీఎల్​లోనూ చెన్నై, బెంగళూరు జట్లకు ప్రాతినిధ్యం వహించాడు.

పదేళ్ల కెరీర్​లో 38 వన్డేలు, 25 టెస్టులాడి వరుసగా 736, 934 పరుగులు చేశాడు. ఇందులో 10 అర్ధశతకాలు ఉన్నాయి. అయితే అంతర్జాతీయ కెరీర్​లో​ ఒక్క సెంచరీ కూడా చేయలేకపోయాడు పార్థివ్.

పార్థివ్ పటేల్

పార్థివ్ పటేల్