నాలుగో టెస్టులో అండర్సన్ బౌలింగ్లో రిషభ్ పంత్ కొట్టిన రివర్స్ స్కూప్ను అభిమానులు మర్చిపోలేరు.. అయితే అలాంటి షాట్నే మరోసారి బాదేశాడు రిషభ్. కానీ ఈసారి అతడి దెబ్బ చూసింది పేసర్ జోఫ్రా ఆర్చర్. తొలి టీ20లో ఆర్చర్ వేసిన మెరుపు బంతిని.. వికెట్లకు కొంచెం పక్కకి జరుగుతూ రివర్స్ స్కూప్తో సిక్స్ బాదేశాడీ లెఫ్ట్ హ్యాండర్. బంతి వేగాన్ని ఉపయోగించుకుంటూ థర్డ్మ్యాన్ మీదుగా కొట్టిన షాట్కు బంతి స్టాండ్స్లో పడింది. ఈ షాట్తో అభిమానులే కాదు ఆర్చర్ కూడా ఆశ్చర్యపోయాడు.
అప్పుడు అండర్సన్, ఇప్పుడు ఆర్చర్.. తర్వాత ఎవరో? - ఆర్చర్
స్పిన్ బౌలింగ్లో రివర్స్ స్వీప్ ఎవరైనా ఆడుతారు.. కానీ, పేసర్ల బౌలింగ్లో కొట్టాలంటే కాస్త ఇబ్బందే. దూసుకొచ్చే బంతులను అవలీలగా స్టాండ్స్లోకి పంపిస్తున్నాడు భారత యువ బ్యాట్స్మెన్ రిషభ్ పంత్. ఇటీవల అండర్సన్ బౌలింగ్లో రివర్స్ షాట్ కొట్టి ఔరా అనిపించిన రిషభ్. తాజాగా టీ-20లో ఆర్చర్ బౌలింగ్లో మరోసారి ఈ షాట్ను ఆడాడు.
అప్పుడు అండర్సన్.. ఇప్పుడు ఆర్చర్.. నెక్స్ట్ ఎవరో?
"కొత్త బంతితో ఆర్చర్ 144 కి.మీ వేగంతో వేసిన డెలివరీని రివర్స్ స్వీపింగ్ చేసి క్రికెట్ చరిత్రలోనే పంత్ సరికొత్త షాట్ ఆడాడు" అని స్విచ్, రివర్స్ హిట్స్ కొట్టడంలో సిద్ధహస్తుడైన ఇంగ్లాండ్ మాజీ బ్యాట్స్మెన్ కెవిన్ పీటర్సన్ రిషభ్ను ప్రశంసించాడు.
Last Updated : Mar 13, 2021, 8:05 AM IST