'పంత్ ఆట సెహ్వాగ్​ను తలపిస్తుంది'

భారత యువ క్రికెటర్​ రిషభ్​ పంత్​ బ్యాటింగ్​తో ప్రత్యర్థి బౌలర్లకు భయం పుడుతుందని అన్నాడు ఇంగ్లాండ్​ మాజీ సారథి మైకేల్​ వాన్​. అతడి ఆటను తాను ఎంతగానో ఆస్వాదిస్తానని తెలిపాడు.

టీమ్​ఇండియా వికెట్​కీపర్​ బ్యాట్స్​మన్​ పంత్​ను ఇంగ్లాండ్​ మాజీ సారథి మైకేల్​ వాన్ ప్రశంసించాడు. అతడు తన బ్యాటింగ్​తో ప్రత్యర్థి బౌలర్లకు దడ పుట్టిస్తాడని అన్నాడు. మ్యాచులను గెలిపించే సత్తా పంత్​కు ఉందని అభిప్రాయపడ్డాడు. పంత్​ ఆటను ఎంతో ఆస్వాదిస్తానని తెలిపాడు.

"విధ్వంసకర బ్యాటింగ్​తో సెహ్వాగ్, ప్రత్యర్థి బౌలర్లను ఎలా భయపెడతాడో పంత్​ కూడా అలానే చేస్తాడు. చిన్న తప్పిదాల వల్ల తక్కువ స్కోరుకే ఔట్​ అయిపోతాడు. కానీ ఎన్నో సందర్భాల్లో మ్యాచులను గెలిపించాడు. బెన్​స్టోక్స్​లా పంత్​ కూడా ఆస్వాదిస్తూ క్రికెట్ ఆడతాడు. వీరిద్దరి ఆటను నేను చాలా ఎంజాయ్ చేస్తాను"

-మైకేల్​ వాన్​, ఇంగ్లాండ్​ మాజీ సారథి

ప్రస్తుతం భారత్​ పర్యటనలో భాగంగా చెన్నైలో ఉంది ఇంగ్లాండ్​. ఇరుజట్ల మధ్య నాలుగు టెస్టులు, ఐదు టీ20లు, మూడు వన్డేలు జరగనున్నాయి. ఫిబ్రవరి 5 నుంచి మొదటి టెస్టు ప్రారంభం కానుంది. తొలి రెండు టెస్టులు చెన్నైలో, మూడు(డేనైట్), నాలుగో మ్యాచ్​కు అహ్మదాబాద్ (మెతేరా స్టేడియం) వేదిక కానుంది.

ఇదీ చూడండి: 'భారత్​ విషయంలోనూ ఆసీస్​ అలానే చేస్తుందా?'