బంగ్లాదేశ్ క్రికెట్ బోర్డు వచ్చే మార్చిలో ఆసియా XI, ప్రపంచ XI జట్లతో రెండు టీ20 మ్యాచ్లు నిర్వహించడానికి సన్నాహాలు చేస్తోంది. ఈ నేపథ్యంలో ఆసియా జట్టులో ఐదుగురు భారత ఆటగాళ్లు పాల్గొంటారని సమాచారం. అలాగే పాకిస్థాన్ జట్టు నుంచి ఆటగాళ్లు పాల్గొనాల్సి ఉంది. కాగా ఈ విషయంపై బీసీసీఐ జాయింట్ సెక్రటరీ జయేష్ జార్జ్ చేసిన వ్యాఖ్యలు ప్రాధాన్యత సంతరించుకున్నాయి.
"ఆసియా జట్టులో ఒక్క పాకిస్థాన్ క్రికెటర్‌ కూడా ఆడడనే స్పష్టమైన సమాచారం మా వద్ద ఉంది. ఇరు జట్ల మధ్య ఆటగాళ్లను ఎంపిక చేసే ప్రక్రియ ఉండదు. బీసీసీఐ అధ్యక్షుడు సౌరభ్‌ గంగూలీ భారత్ తరఫున ఆడే ఐదుగురి పేర్లను వెల్లడిస్తారు."
-జయేష్ జార్జ్, బీసీసీఐ జాయింట్ సెక్రటరీ