ఎల్​పీఎల్ నిర్వాహకులకు షాక్​.. మరో క్రికెటర్​కు కరోనా

కరోనా బారిన పడుతున్న క్రికెటర్ల సంఖ్య క్రమంగా పెరుగుతోంది. లంక ప్రీమియర్​కు ఈ సెగ తగిలింది. లీగ్​ ప్రారంభానికి ముందే టోర్నీలో ఆడాల్సిన పాక్ బౌలర్ తన్వీర్​ కొవిడ్​ బారిన పడ్డాడు.

లంక ప్రీమియర్​ లీగ్​ ప్రారంభానికి ముందే ఆటగాళ్లు కరోనా బారిన పడుతున్నారు. నవంబర్​ 26 నుంచి ఈ లీగ్​ మొదలుకానుంది. పాకిస్థాన్​ పేసర్ సొహైల్​ తన్వీర్​కు ఇప్పుడు కొవిడ్​ పాజిటివ్​గా తేలింది. లీగ్​లోని కరోనా బారిన పడిన రెండో ఆటగాడు ఇతడు. కాండీ టస్కర్స్​ తరఫున బరిలోకి దిగనన్న తన్వీర్​కు వైరస్​ సోకినట్లు ఆ జట్టు ప్రధాన కోచ్​ హసన్​ తిలకరత్నే చెప్పాడు. ఇటీవలే కెనడా ప్లేయర్​ రవీందర్​పాల్​ సింగ్​కు కరోనా పాటిజివ్​గా తేలింది. వీరిద్దరూ ప్రస్తుతం ఐసోలేషన్​లో ఉన్నారు. రవీందర్​ కొలంబో కింగ్స్​ తరఫున ఆడుతున్నాడు.

సోహైల్​ తన్వీర్​

తన్వీర్​ పలు మ్యాచ్​లకు దూరమైనా సరే, పూర్తిగా కోలుకుంటేనే తుది జట్టులో చోటు దక్కే అవకాశముంది. గతంలో వాహబ్​ రియాజ్​, లియామ్​ ప్లంకెట్​లు టస్కర్స్​ తరఫున ఆడాల్సి ఉన్నా.. కరోనా భయం వల్ల టోర్నీకి దూరమయ్యారు. వారి స్థానంలోనే జట్టులోకి వచ్చిన సోహైల్​కు కొవిడ్​-19 సోకింది.