భారత్- పాకిస్థాన్ మ్యాచ్ అంటే క్రికెట్ అభిమానులకు ఆసక్తి ఎక్కువ. ఐసీసీ టోర్నీల్లో ఈ రెండు జట్లు తలపడితే ఫ్యాన్స్కు పండగే పండగ. ప్రస్తుత ప్రపంచకప్లో జూన్ 16న ఈ రెండింటి మధ్య మ్యాచ్ జరగనుంది. పాక్తో జరిగే ఈ మ్యాచ్లో అత్యుత్తమ ప్రదర్శన కనబరుస్తామని టీమిండియా కెప్టెన్ కోహ్లీ చెప్పాడు.
"క్రికెట్లో ప్రపంచకప్ అత్యుత్తమమైనది. పాక్తో ఈ టోర్నీలో ఆడటం నిజంగా అదృష్టంగా భావిస్తున్నా. ఆ రోజు అత్యుత్తమ ఆట కనబరుస్తాం. ఓ ప్రణాళికను సిద్ధం చేసుకున్నాం. కచ్చితంగా అమలు పరుస్తాం ." -విరాట్ కోహ్లీ, టీమిండియా కెప్టెన్
భారత్- పాక్ క్రికెట్ జట్ల సారధులు
గురువారం న్యూజిలాండ్తో జరగాల్సిన భారత్ మ్యాచ్ వర్షం కారణంగా రద్దయింది. ఇరుజట్లకు చెరో పాయింట్ కేటాయించారు. ప్రస్తుతం టీమిండియా మూడో స్థానంలో ఉంది.