పాకిస్థాన్ క్రికెట్ జట్టు కెప్టెన్ బాబర్ అజామ్పై లైంగిక వేధింపుల ఆరోపణలు వచ్చాయి. బాబర్ పాఠశాల స్నేహితురాలినని చెప్తున్న ఓ మహిళ.. సదరు ఆటగాడు తనను 10 ఏళ్లుగా లైంగికంగా వేధిస్తున్నాడని శనివారం మీడియా సమావేశంలో వెల్లడించింది. 2010లో తనను వివాహం చేసుకుంటానని నమ్మించి, క్రికెటర్గా పేరు తెచ్చుకున్న తర్వాత మోసం చేశాడని ఆరోపించింది.
పాక్ కెప్టెన్ బాబర్ ఆజామ్ తనను 2010లో వివాహం చేసుకుంటానని చెప్పాడని, ఆ తర్వాత ఏడాదే కోర్టులో పెళ్లి చేసుకోవడానికి సిద్ధపడ్డామని సదరు మహిళ తెలిపింది. అంతలోనే బాబర్ మనసు మార్చుకున్నాడని ఆవేదన వ్యక్తం చేసింది.
బాబర్ పాకిస్థాన్ జట్టులోకి అడుగుపెట్టిన తొలినాళ్లలో తాను ఆర్థికంగా మద్దతుగా నిలిచినట్లు ఈ సందర్భంగా ఆమె చెప్పింది. శారీరకంగా వేధించడం సహా తనను బెదిరించాడని ఆరోపించింది.