పాకిస్థాన్ మాజీ క్రికెటర్ అబ్దుల్ రజాక్ మరోసారి వార్తల్లో నిలిచాడు. పాక్లోని ఓ టీవీ ఛానల్‌కు ఇచ్చిన ఇంటర్వ్యూలో అతడు చేసిన వ్యాఖ్యలు చర్చనీయాంశంగా మారాయి. "నేను సాంప్రదాయం ప్రకారం పెళ్లి చేసుకున్నా. అనంతరం సుమారు ఐదారుగురు అమ్మాయిలతో వివాహేతర సంబంధాలు పెట్టుకున్నా. ఏడాదిన్నర కాలంలోనే ఇదంతా జరిగింది. ఇది నాకు ఏమాత్రం తప్పనిపించడం లేదు" అని రజాక్ అన్నాడు.
రజాక్ మాటలతో ఇంటర్వ్యూ చేసే యాంకర్, యూనిట్ సభ్యులతో పాటు ప్రేక్షకులూ ఆశ్చర్యానికి గురయ్యారు. ఈ వ్యాఖ్యలపై సోషల్ మీడియాలో నెటిజన్లు మండిపడుతున్నారు. ముఖ్యంగా మహిళలు ఆగ్రహం వ్యక్తం చేస్తున్నారు. "ఎక్కడ ఏం మాట్లాడుతున్నావో అర్ధమవుతుందా? 'ఇప్పటివరకు గొప్ప ఆటగాడివనే గౌరవం ఉండేది. ఈ క్షణంతో అది పోయింది. రజాక్ ఇలాంటోడా?" అంటూ ట్రోల్ చేస్తున్నారు.