పాకిస్థాన్ క్రికెటర్లు ఓ భారత క్యాబ్ డ్రైవర్కు విందు ఇచ్చిన సంఘటన ఆస్ట్రేలియాలోని బ్రిస్బేన్లో చోటు చేసుకుంది. ప్రస్తుతం ఆసీస్‌లో పర్యటనలో ఉన్న పాకిస్థాన్ క్రికెట్ జట్టు.. బ్రిస్బేన్లో జరిగిన తొలి టెస్టులో ఓడింది. అనంతరం ఐదుగురు పాక్ క్రికెటర్లు.. తాము దిగిన హోటల్‌ నుంచి ఓ క్యాబ్ బుక్‌ చేసుకొని భారత రెస్టారెంట్‌కు వెళ్లారు. ఆ క్యాబ్ డ్రైవర్ వారిపై గౌరవంతో డబ్బు తీసుకోలేదు.
క్రికెటర్లు షాహిన్‌ షా, యాసిర్‌ షా, నసీమ్‌ షాలతో పాటు మరో ఇద్దరు ఆ డ్రైవర్‌ను తమ వెంట రెస్టారెంట్‌కు తీసుకెళ్లి విందు ఇచ్చారు. ఏబీసీ రేడియో వ్యాఖ్యాత అలిసన్‌ మిచెల్‌ ఈ విషయాన్ని ఆసీస్‌ మాజీ పేసర్‌ మిచెల్‌ జాన్సన్‌కు లైవ్‌లో తెలియజేసింది. ఆ వీడియో ఇప్పుడు సామాజిక మాధ్యమాల్లో చక్కర్లు కొడుతోంది.