భారత్​కు అల్లుడైన మరో పాక్ క్రికెటర్​

పాకిస్థాన్ పేస్ బౌలర్ హసన్ అలీ భారత్​కు చెందిన షామియా అర్జును వివాహం చేసుకున్నాడు. మంగళవారం దుబాయ్​లో అత్యంత సన్నిహితుల మధ్య వీరి పెళ్లి జరిగింది.

షోయబ్ మాలిక్ - సానియా మిర్జా వివాహం మరువకముందే మరో పాకిస్థానీ క్రికెటర్ హసన్​ అలీ భారత్​కు చెందిన షామియా అర్జును పెళ్లి చేసుకున్నాడు. మంగళవారం దుబాయ్​లో వీరిద్దరూ ఒక్కటయ్యారు. నెల రోజుల నుంచి హసన్ అలీ పెళ్లి విషయంపై వార్తలు వస్తున్నాయి.

"మంగళవారం దుబాయ్​లో ఎలాంటి హంగు ఆర్భాటం లేకుండా మా నిఖా జరిగింది. మా ఇద్దరికి అత్యంత సన్నిహితులు, మిత్రులు ఈ వివాహానికి హజరయ్యారు" - హసన్ అలీ, పాకిస్థాన్ బౌలర్

హరియాణా మేవాట్​కు చెందిన షామియా అర్జును దుబాయ్​లో కలిసిన హసన్ అలీ.. ఆమె ముందు తన ప్రేమను వ్యక్తపరిచాడు. అత్యంత సన్నిహితుల మధ్య ఈ వివాహ వేడుక జరిగింది. బుధవారం పెళ్లి రిసెప్షన్ జరగనుంది. వివాహానికి ముందు వీరు దిగిన ఫొటోలు సామాజిక మాధ్యమాల్లో హల్​చల్ చేస్తున్నాయి.

ఇది చదవండి: 'నో టైమ్ టు డై' అంటున్న బాండ్​