టీమిండియా పేస్ విభాగం బలంగా కనిపిస్తోందని ఇప్పటికే చాలా మంది దిగ్గజ బౌలర్లు చెప్పారు. తాజాగా ఆసీస్ మాజీ బౌలర్ గిలెస్పీ వారిపై ప్రశంసల జల్లు కురిపించాడు. భారత్‌ పేస్ విభాగం ఎంతో దుర్భేద్యంగా ఉందని అన్నాడు.
"టీమిండియా బౌలింగ్‌ అత్యద్భుతంగా ఉంది. ప్రపంచంలో ఉత్తమ పేస్ దళం వారిదే. ఆస్ట్రేలియా, భారత పేసర్ల బౌలింగ్‌ను ఎంతో ఆస్వాదిస్తాను. మిచెల్‌ స్టార్క్‌, హెజిల్‌వుడ్‌, ప్యాట్‌ కమిన్స్‌ మంచి ఫాస్ట్ బౌలర్లు. అయితే జస్ప్రీత్‌ బుమ్రా, మహ్మద్ షమి జోడీ ఇంకా గొప్పది. భారత పేస్ విభాగం ఇంత పటిష్ఠంగా మారడంలో నాకు పెద్దగా ఆశ్చర్యమేమి అనిపించడం లేదు. ఎందుకంటే భారత్‌లో నైపుణ్యమున్న పేసర్లు ఎంతో మంది ఉన్నారు."
-గిలెస్పీ, ఆసీస్ మాజీ బౌలర్