న్యూజిలాండ్తో జరిగిన టీ20 సిరీస్ను క్లీన్ స్వీప్ చేసిన టీమిండియా.. వన్డే సిరీస్ను వైట్ వాష్ చేసుకుంది. ప్రస్తుతం టెస్టు సిరీస్ కోసం సిద్ధమవుతోంది. మొదటి మ్యాచ్ ఈనెల 21న జరగనుంది. ఈ ఖాళీ సమయంలో భారత ఆటగాళ్లు అలా సరదాగా పర్యటిస్తున్నారు. తాజాగా వీరు న్యూజిలాండ్లోని బ్లూ స్ప్రింగ్స్ పార్క్ను సందర్శించారు. అక్కడ దిగిన ఫొటోలను బీసీసీఐ సామాజిక మాధ్యమాల్లో పోస్ట్ చేసింది.
టెస్టు సిరీస్కు ముందు సరదాగా అలా..
న్యూజిలాండ్తో టెస్టు సిరీస్కు ముందు టీమిండియా ఆటగాళ్లు బ్లూ స్ప్రింగ్స్ పార్క్ను సందర్శించారు. అక్కడ పర్యటించిన ఫొటోలను సామాజిక మాధ్యమాల్లో పంచుకున్నారు.
పుజారా
ఈ ఫొటోల్లో కీపర్ వృద్ధిమాన్ సాహా, పుజారా, రవిచంద్రన్ అశ్విన్, ఉమేష్ యాదవ్లతో పాటు రిషభ్ పంత్, జస్ప్రీత్ బుమ్రా, శుభమన్ గిల్, పృథ్వీ షా, మయాంక్ అగర్వాల్ కనిపించారు.
రేపటి (శుక్రవారం) నుంచి టీమిండియా న్యూజిలాండ్ ఎలెవన్తో మూడు రోజుల ప్రాక్టీస్ మ్యాచ్ ఆడనుంది. ప్రస్తుతం టెస్టు ఛాంపియన్ షిప్ పాయింట్ల పట్టికలో అగ్రస్థానంలో ఉన్న కోహ్లీసేన ఈ సిరీస్లోనూ గెలిచి సత్తాచాటాలని భావిస్తోంది.
Last Updated : Mar 1, 2020, 5:35 AM IST