కివీస్​-ఆసీస్ ఐదో టీ20కి ప్రేక్షకులకు అనుమతి!

కివీస్​-ఆసీస్​ మధ్య జరగాల్సిన ఐదో టీ20కి.. కరోనా తీవ్రత తగ్గితే ప్రేక్షకులను అనుమతిస్తామని న్యూజిలాండ్ బోర్డు ప్రకటించింది. తొలుత మహిళల టీ20 మ్యాచ్​ కాకుండా.. ఆస్ట్రేలియాతో మ్యాచ్​ను నిర్వహిస్తామని పేర్కొంది.

కివీస్​-ఆసీస్​ మధ్య జరగాల్సిన ఐదో టీ20 విషయంలో మరో మార్పు జరిగింది. "మొదట అనుకున్నట్లు కాకుండా.. వెల్లింగ్టన్​లోని స్కై స్టేడియంలో తొలుత న్యూజిలాండ్, ఆస్ట్రేలియా మధ్య ఐదో టీ20 మ్యాచ్​ జరుగుతుంది. తదుపరి న్యూజిలాండ్​-ఇంగ్లాండ్​(వైట్​ ఫెర్న్స్​) మహిళ జట్ల మధ్య మూడో టీ20 మ్యాచ్​​ నిర్వహిస్తాం" అని కివీస్​ క్రికెట్ బోర్డు ప్రకటించింది.

ఆసీస్​ క్రికెట్​ బోర్డుతో చర్చించిన అనంతరం ఈ నిర్ణయం తీసుకున్నట్లు కివీస్ బోర్డు పేర్కొంది. 'మ్యాచ్ ముగిసిన వెంటనే ఛార్టర్డ్ ఫ్లైట్​లో ఆస్ట్రేలియా టీమ్​ స్వదేశానికి పయనమవుతుంది. ఆక్లాండ్​ గుండా ప్రయాణించే సమస్య ఉండదు. ఐదో టీ20 నాటికి వెల్లింగ్టన్​లో కొవిడ్ తీవ్రత తగ్గితే ప్రేక్షకులను అనుమతిస్తాం' అని తెలిపింది.

ఇదీ చదవండి:కొవిడ్​ టీకా తొలి డోసు తీసుకున్న రవిశాస్త్రి