కార్డిఫ్ వేదికగా జరిగిన ప్రపంచకప్ మ్యాచ్లో శ్రీలంకపై న్యూజిలాండ్ 10 వికెట్ల తేడాతో గెలుపొందింది. లంకేయులు నిర్దేశించిన 137 పరుగుల లక్ష్యాన్ని 16.1 ఓవర్లలోనే ఛేదించి.. ప్రపంచకప్లో శుభారంభం చేసింది. కివీస్ ఓపెనర్లు ఇద్దరూ అర్ధశతకాలతో చెలరేగారు.
137 పరుగుల లక్ష్యంతో బరిలోకి దిగిన న్యూజిలాండ్ ఆది నుంచి దూకుడుగా ఆడింది. ఓపెనర్లు గప్తిల్, మన్రో... ప్రత్యర్థికి అవకాశం ఇవ్వకుండా స్వేచ్ఛగా పరుగులు చేశారు. ఈ క్రమంలోనే అర్ధ శతకాలు పూర్తి చేసుకున్నారు. గప్తిల్ 73, మన్రో 58 పరుగులతో నాటౌట్గా నిలిచారు. ప్రపంచకప్లో న్యూజిలాండ్ తొలి విజయం నమోదు చేయడంలో కీలక పాత్ర పోషించారు.