సుదీర్ఘ పార్మాట్కు ఆదరణ తగ్గుతున్న సమయంలో... టెస్టు ఛాంపియన్షిప్ను తెరపైకి తెచ్చింది ఐసీసీ. రెండేళ్లు జరగనున్న ఈ టోర్నీలో టాప్-10 జట్లు స్వదేశంలో మూడు, విదేశాల్లో మూడు సిరీస్లు తలపడాల్సి ఉంటుంది. ఇందులో భాగంగానే ఇటీవల దక్షిణాఫ్రికా, బంగ్లాదేశ్తో పోటీ పడింది టీమిండియా. అయితే ఇప్పటికే పాయింట్ల పట్టికలో 360 మార్కులతో కోహ్లీ సేన టాప్-1లో ఉండగా... న్యూజిలాండ్, ఇంగ్లాండ్ జట్లూ తమ స్థానం మెరుగుపర్చుకోవాలని పోటీపడుతున్నాయి.
టెస్టు మ్యాచ్ గెలిచినా ఒక్క పాయింట్ రాదు! - cricket news telugu
ఈ ఏడాది ప్రపంచకప్ ఫైనల్లో హోరాహోరీగా తలపడిన ఇంగ్లాండ్-న్యూజిలాండ్ జట్లు... ప్రస్తుతం ఓ టెస్టు సిరీస్లో తలపడుతున్నాయి. రెండు మ్యాచ్ల ఈ సిరీస్లో ఏ జట్టు గెలిచినా ఒక్క పాయింట్ కూడా రాదు. ఓ వైపు భారత్, మరోవైపు ఆస్ట్రేలియా విజయాల దూకుడుతో పాయింట్లు పెంచుకుంటుంటే.. మరి వీటికేమైందని అనుకుంటున్నారా?. అయితే ఇది చదవండి.
టెస్టు సిరీస్ గెలిచినా ఒక్క పాయింట్ రాదు..!
ఇటీవల ఈ రెండు జట్ల మధ్య రెండు టెస్టుల సిరీస్ ప్రారంభమైంది. ఇందులో గెలిచినా ఏ జట్టుకూ ఒక్క పాయింటూ రాదు. ఎందుకంటే ప్రపంచ టెస్ట్‌ ఛాంపియన్‌షిప్‌(2019-21) నిబంధన ప్రకారం ప్రతిజట్టూ ఆరు సిరీస్లు ఆడుతుంది. ఆ మ్యాచ్లు ఎక్స్ట్రా జరిగిన సిరీస్లకు పాయింట్లు ఇవ్వదు ఐసీసీ.
అందుకే ఐసీసీ ముందుగా తయారుచేసిన షెడ్యూల్ ప్రకారం.. ఇంగ్లాండ్-న్యూజిలాండ్ టెస్టు సిరీస్ను పరిగణనలోకి తీసుకోలేదు. ఇదే ఒకవేళ ఈ ఛాంపియన్‌షిప్‌లో భాగమైతే... తొలి టెస్టులో గెలిచిన కివీస్ ఖాతాలో 60 పాయింట్లు చేరేవి. ఇంగ్లండ్‌తో జరిగిన మొదటి టెస్టులో అద్భుతమైన ప్రదర్శన చేసిన బ్లాక్ క్యాప్స్... ఇన్నింగ్స్ 65 పరుగుల ఆధిక్యంతో ఘన విజయం సాధించారు. ఫలితంగా రెండు మ్యాచ్ల సిరీస్లో 1-0 ఆధిక్యంలో నిలిచింది కివీస్ జట్టు. 'ప్లేయర్‌ ఆఫ్‌ ద మ్యాచ్'గా డబుల్‌ సెంచరీ హీరో వాట్లింగ్‌ నిలిచాడు. రెండో టెస్టు శుక్రవారం నుంచి ప్రారంభంకానుంది.