ప్రపంచకప్ టోర్నీ కోసం ఆటగాళ్లను ఎంపిక చేసింది న్యూజిలాండ్ క్రికెట్ బోర్డు. కేన్ విలియమ్సన్ సారథ్యంలోని 15 మంది జట్టు సభ్యుల పేర్లను ప్రకటించింది. ఇంగ్లండ్-వేల్స్‌ వేదికగా మే 30న ప్రపంచకప్ సంగ్రామం ప్రారంభమవుతుంది.
సీనియర్ ఆటగాళ్లు రాస్‌ టేలర్‌, గప్తిల్‌, ట్రెంట్ బౌల్ట్‌, సౌథీలకు జట్టులో చోటు దక్కింది. అదనపు కీపర్గా బ్లన్డెల్ ఎంపికయ్యాడు.
బౌల్ట్‌, సౌథీలతో న్యూజిలాండ్ పేస్‌ బౌలింగ్ బలంగా ఉంది.విలియమ్సన్, టేలర్‌, లాథమ్‌, మున్రోలతో బ్యాటింగ్‌ లైనప్ పటిష్ఠంగా ఉంది. ఐసీసీ ర్యాంకింగ్స్లో మూడో స్థానంలో ఉన్న కివీస్ టైటిల్ ఫేవరెట్గా బరిలోకి దిగుతోంది.
కేన్ విలియమ్సన్(కెప్టెన్‌), టామ్‌ బ్లన్డెల్, ట్రెంట్ బోల్ట్‌, గ్రాండ్‌హోమ్‌, ఫెర్గుసన్‌, మార్టిన్‌ గప్తిల్‌, మ్యాట్‌ హెన్రీ, టామ్‌ లాథమ్‌, కోలిన్‌ మున్రో, నీషమ్‌, నికోలస్‌, శాంటర్న్‌, ఇష్‌ సోది, టిమ్‌ సౌథీ, రాస్‌ టేలర్‌