సయ్యద్ ముస్తాక్ అలీ టీ20 టోర్నమెంట్ సెమీ ఫైనల్స్ నేడే జరగనుంది. తొలి సెమీస్లో తమిళనాడుతో రాజస్థాన్, రెండో సెమీస్లో పంజాబ్తో బరోడా తలపడనున్నాయి. వచ్చే నెలలోనే ఐపీఎల్ వేలం ప్రారంభంకానున్న నేపథ్యంలో.. దేశీయ టోర్నీలో సత్తా చాటి సెలక్టర్ల దృష్టిలో పడేందుకు సిద్ధమయ్యారు యువ క్రికెటర్లు.
మధ్యాహ్నం 12గంటలకు తమిళనాడు- రాజస్థాన్ మధ్య తొలి సెమీస్ జరగనుంది. క్వార్టర్ ఫైనల్లో హిమాచల్ ప్రదేశ్పై చెలరేగిన షారుక్ ఖాన్, జగదీశన్.. తమిళనాడుకు ప్రధాన బలంగా మారారు. ఇక స్పెషలిస్ట్ బ్యాట్స్మన్ మహిపాల్ సహ సీనియర్లు చాహర్, రవి బిష్ణోయ్, ఖలీల్ అహ్మద్లతో రాజస్థాన్ బౌలింగ్ పటిష్ఠంగా ఉంది. దీంతో రెండు జట్ల మధ్య పోరు ఆసక్తికరంగా మారనుంది.