శ్రీలంక క్రికెట్​ కమిటీలో సంగక్కర, మురళీధరన్

సాంకేతిక క్రికెట్​ సలహా కమిటీ సభ్యులను శుక్రవారం ప్రకటించింది శ్రీలంక క్రికెట్. దిగ్గజ స్పిన్నర్​ ముత్తయ్య మురళీధరన్, మాజీ కెప్టెన్​ కుమార సంగక్కరకు కమిటీలో చోటు కల్పించింది.

దిగ్గజ స్పిన్నర్ ముత్తయ్య మురళీధరన్, మాజీ కెప్టెన్​ కుమార సంగక్కరను సలహా కమిటీ సభ్యులుగా ప్రకటించింది శ్రీలంక క్రికెట్. మొత్తంగా సాంకేతిక సలహా కమిటీకి నలుగురు సభ్యులను ఎంపిక చేసినట్లు తెలిపింది.

శ్రీలంక క్రీడా మంత్రి నమల్ రాజపక్స ఆదేశాల మేరకు మాజీ బ్యాట్స్​మన్ అరవింద డి సిల్వాను సలహా కమిటీ అధ్యక్షుడిగా నియమించింది శ్రీలంక క్రికెట్. మాజీ బ్యాట్స్​మన్​, ఐసీసీ మ్యాచ్​ రిఫరీ రోషన్ మహానమాను కూడా కమిటీలో సభ్యుడిగా ఎంపిక చేసింది.

సొంత గడ్డపై ఇంగ్లాండ్​తో రెండు టెస్ట్​ సిరీస్​లలో ఓటమిపాలైన నేపథ్యంలో సలహా కమిటీ నూతన సభ్యులను నియమించింది శ్రీలంక క్రికెట్. ఇందుకోసం పలుమార్లు క్రీడామంత్రితో చర్చలు జరిపింది.

ఇదీ చదవండి:'అది టీమ్​ఇండియా అర్థరహిత నిర్ణయం'