ముంబయి ఇండియన్స్ జట్టులో అర్జున్!

క్రికెట్ దిగ్గజం సచిన్ తెందూల్కర్ తనయుడు అర్జున్.. ముంబయి ఇండియన్స్ జట్టుతో కలిసి యూఏఈ వెళ్లాడు. అయితే తాజాగా ముంబయి ఆటగాళ్లతో స్మిమ్మింగ్ పూల్​లో ఉన్న అతడి ఫొటోలు వైరల్​గా మారడం వల్ల అభిమానులకు పలు సందేహాలు కలుగుతున్నాయి.

క్రికెట్ దిగ్గజం సచిన్ తెందూల్కర్ తనయుడు అర్జున్.. ముంబయి జట్టులో ఉన్నాడా? లేకపోతే మరి యూఏఈ ఎందుకు వెళ్లాడు? స్మిమ్మింగ్ పూల్​లో ముంబయి ఇండియన్స్ క్రికెటర్లతో ఉన్న అర్జున్ ఫొటో సామాజిక మాధ్యమాల్లో చక్కర్లు కొడుతోంది. దీంతో అభిమానులకు ఇవే సందేహాలు కలుగుతున్నాయి.

అర్జున్ తెందూల్కర్ ఉన్న చిత్రం

అర్జున్ నెట్​ బౌలర్​గా ముంబయి జట్టుతో వెళ్లాడు. లెఫ్టార్మ్ పేసర్ అయిన అతడు గతంలోనూ ముంబయి ఆటగాళ్లకు బంతులేశాడు. అందుకే అతడిని జట్టుతో పాటు తీసుకెళ్లారు. గతంలో అతడు ప్రాక్టీస్ సమయంలో వేసిన యార్కర్​కు బెయిర్​స్టో గాయపడ్డాడు. ఏదైనా కారణాల వల్ల ముంబయికి చెందిన ఆటగాళ్లు లీగ్​కు దూరమైతే ఆ స్థానంలో అర్జున్​ను తీసుకునే అవకాశం ఉంది.