అతడికి బిజినెస్​ క్లాస్ ఇచ్చి.. ధోనీ మాత్రం అక్కడ?

మరోసారి పెద్ద మనసును చాటుకున్న ధోనీ.. చెన్నై ఫ్రాంఛైజీ డైరెక్టర్​కు బిజినెస్​ క్లాస్​ టికెట్​ ఇచ్చి,తాను మాత్రం ఎకానమీ క్లాస్​లో ప్రయాణించాడు. ఈ వీడియో ప్రస్తుతం వైరల్​గా మారింది.

చెన్నై సూపర్​ కింగ్స్​ కెప్టెన్​ మహేంద్ర సింగ్​ ధోనీ.. మరోసారి అభిమానుల మనసు గెల్చుకున్నాడు. స్టార్​ హోదాలో ఉన్నా సరే ఓ సాధారణ ఆటగాడిలా వ్యవహరించాడు. అంతర్జాతీయ క్రికెట్​కు ఇటీవలే రిటైర్మెంట్​ ప్రకటించిన మహీ.. ఐపీఎల్​ కోసం జట్టుతో పాటు యూఏఈకి వెళ్లాడు. అయితే ప్రత్యేక విమానంలో తనకు కేటాయించిన బిజినెస్​ క్లాస్​ టికెట్​ను ఫ్రాంఛైజీ డైరెక్టర్​ కె.జార్జ్​ జాన్​ కోసం వదులుకుని, ఎకానమీ క్లాస్​లో అందరితో కలిసి కూర్చున్నాడు.

జాన్​కు పొడవాటి కాళ్లు ఉన్నందున ఎకానమీ క్లాస్​ సీట్​లో అసౌకర్యానికి గురయ్యాడు. దీనిని గమనించిన ధోనీ.. తన సీటును అతడికి మనసు చాటుకున్నాడు. ఈ వీడియోను జాన్​ స్వయంగా ట్వీట్ చేశాడు. దీంతో ధోనీపై అభిమానులు ప్రశంసలు కురిపిస్తున్నారు.