లాక్‌డౌన్‌ వేళ ఇంట్లో ఉంటూనే టీమిండియా క్రికెటర్లు తమ అభిమానులను అలరిస్తున్నారు. కుటుంబసభ్యులతో సరదాగా గడుపుతూ ఆ సమయాన్ని ఆస్వాదిస్తున్నారు. టీమిండియా మాజీ సారథి మహేంద్రసింగ్‌ ధోనీ.. రాంచీలోని విలాసవంతమైన ఫామ్‌హౌజ్‌లో సేద తీరుతున్నాడు. కూతురు జీవాతో కలిసి రయ్ రయ్ మంటూ బైక్ రైడింగ్‌ చేశాడు. ధోనీ సతీమణి సాక్షి ఆ వీడియోలను ఇన్స్టాలో అభిమానులతో పంచుకుంది. ఈ వీడియోలకు తెగ లైకులు, కామెంట్లు పెడుతున్నారు నెటిజన్లు.
ఫామ్‌హౌజ్‌లో రయ్ రయ్ మంటూ ధోనీ, జీవా - MS Dhoni takes daughter Ziva for a bike ride
టీమిండియా మాజీ సారథి మహేంద్రసింగ్‌ ధోనీ, కూతురు జీవాతో కలిసి తన ఫామ్హౌస్లో బైక్ రైడ్ చేశాడు. ఈ వీడియోను అతడి సతీమణి సాక్షి ఇన్స్టాలో పోస్ట్ చేయాగా అభిమానులు విపరీతంగా లైక్లు, కామెంట్లు పెడుతున్నారు.
ఫామ్‌హౌజ్‌లో రయ్ రయ్ మంటూ ధోనీ, జీవా
గతేడాది ఇంగ్లాండ్‌లో వన్డే ప్రపంచకప్‌ సెమీఫైనల్లో టీమిండియా.. న్యూజిలాండ్‌ చేతిలో ఓటమిపాలయ్యాక ధోనీ క్రికెట్‌కు దూరమయ్యాడు. అప్పటి నుంచీ మహీ అభిమానులు ఐపీఎల్‌ కోసం ఎదురు చూశారు. ఈ లీగ్లో ఈసారి చెలరేగి మళ్లీ టీమిండియా జట్టులోకి వస్తాడని ఆశించారు. అయితే, కరోనా వైరస్‌ దెబ్బతో టోర్నీనే వాయిదాపడింది. దీంతో చెన్నైలో ప్రాక్టీస్‌ మొదలెట్టిన ధోనీ.. తిరిగి రాంచీకి చేరుకున్నాడు. ఇప్పుడున్న పరిస్థితుల్లో ఐపీఎల్‌ 13వ సీజన్ నిర్వహణ‌పై అనుమానాలు రేకెత్తుతున్నాయి. ఈ నేపథ్యంలో ఇతడి భవితవ్యంపై సందేహాలు వ్యక్తమవుతున్నాయి.
ఇదీ చూడండి : బుమ్రా నంబర్.1 అవుతాడని ముందే చెప్పిన యువీ