ధోనీ బన్​గయా పానీపూరి వాలా

మహేంద్ర సింగ్ ధోనీకి సంబంధించిన ఓ వీడియో ప్రస్తుతం సామాజిక మాధ్యమాల్లో సందడి చేస్తోంది. ఇందులో మహీ పానీపూరి వాలాగా కనిపించాడు.

మహేంద్రసింగ్ ధోనీ ఏం చేసినా అభిమానులకు ఉత్సాహమే. గతేడాది జరిగిన ప్రపంచకప్​ తర్వాత జట్టుకు దూరమైన మహీ సామాజిక మాధ్యమాల్లో మాత్రం తరచూ కనిపిస్తున్నాడు. కుటుంబం, స్నేహితులతో సరదాగా గడుపుతున్నాడు. అయితే తాజాగా మహీ.. పానీపూరి వాలాగా మారిన వీడియో సామాజిక మాధ్యమాల్లో వైరల్​గా మారింది.

ప్రస్తుతం సహ ఆటగాళ్లు ఆర్పీ సింగ్, పీయూష్ చావ్లాతో కలిసి మాల్దీవుల్లో సేదతీరుతున్నాడు ధోనీ. అక్కడ మహీ.. వీరిద్దరికి పానీపురి చేసి ఇస్తూ కనిపించాడు. దీనిపై అభిమానులు తమదైన రీతిలో స్పందిస్తున్నారు. మల్టీ ట్యాలెంటెడ్ ధోనీ అంటూ ప్రశంసలు కురిపిస్తున్నారు.

గతేడాది ప్రపంచకప్​ తర్వాత మహీ అంతర్జాతీయ క్రికెట్​లో బరిలోకి దిగలేదు. అతడి భవిష్యత్​ ప్రణాళికపై అభిమానులు వేచిచూస్తున్నారు. అయితే ఇటీవల సీఏసీ సభ్యుడిగా ఎన్నికైన ఆర్పీసింగ్​తో చర్చించాక ధోనీ ఏదైనా కీలక నిర్ణయం తీసుకునే అవకాశముంది.

ఇవీ చూడండి.. కోహ్లీ బ్రాండ్ విలువ 1690 కోట్లు