'ఒత్తిడి తట్టుకోలేక ఆత్మహత్య చేసుకోవాలనుకున్నా'

మానసిక ఆందోళన తీవ్రంగా ఉన్న కారణంగా ఒకానొక దశలో ఆత్మహత్యకు ప్రయత్నించినట్లు ఆస్ట్రేలియా ఆల్​రౌండర్​​ హెన్రిక్స్​ తెలిపాడు. కారును పిల్లర్​కు ఢీకొట్టాలన్న ఆలోచన వచ్చేదని.. అయితే తన కుటుంబ సభ్యుల గురించి ఆలోచించి ఆగిపోయానని తాజాగా వెల్లడించాడు.

ఆస్ట్రేలియా ఆల్​రౌండర్​ మోజెస్ హెన్రిక్స్.. తన మానసిక ఆరోగ్యం గురించి తాజాగా వెల్లడించాడు. ఒకానొక సమయంలో ఆత్మహత్యకు పాల్పడదామన్న ఆలోచన వచ్చిందని తెలిపాడు. 2017 నుంచి మానసిక ఒత్తిడితో బాధ పడుతున్న ఈ క్రికెటర్​.. ఆస్ట్రేలియా తరఫున 11 వన్డేలు, 11 టీ20లు, నాలుగు టెస్టులు ఆడాడు.

"మానసిక ఒత్తిడికి సంబంధించి గూగుల్​లో చూసిన లక్షణాలలో ప్రతి ఒక్కటి నాలో ఉన్నాయి. ఆ సమయంలో అనేక రకాల ఔషధాలు పరిశీలించాను. ఓ దశలో ఎవరికి కాల్​ చేయాలో అర్థమయ్యేది కాదు. ఒక్కోసారి కారులో 110 కి.మీ వేగంతో వెళ్లి పిల్లర్​కు ఢీ కొట్టాలనిపించేది. ఆ సమయంలో సోదరులు, భార్య క్రిస్టా గుర్తొచ్చారు. వెంటనే ఆలోచన విరమించుకున్నా" అని హెన్రిక్స్​ తెలిపాడు.

ఇదీ చూడండి..'సచిన్​ను దూషించినందుకు బాధపడ్డా' ​