టీమిండియా సారథి విరాట్ కోహ్లీ, మాజీ సారథి ఎంఎస్‌ ధోనీల్లో ఎవరు అత్యుత్తమం? అనేది చాలా కష్టమైన ప్రశ్న. అయితే ఈ విషయాన్ని తేల్చేందుకు ఈఎస్‌పీఎన్‌ క్రిక్ఇన్ఫో సంస్థ పెట్టిన ఓ పోటీలోని తుదిపోరులో విజేతగా నిలిచాడు కింగ్ కోహ్లీ. గత దశాబ్దం(2010-2019)లో ఎక్కువ మంది మెచ్చిన పురుష క్రికెటర్ ఎవరు? అనే ప్రశ్నకు... విరాట్ను ఎక్కువమంది ఎంచుకున్నారు.
ఇలా జరిగింది?
కొంతమంది టాప్ క్రికెటర్లను ఎంపిక చేసి పోల్ నిర్వహించింది క్రిక్ఇన్ఫో. గతేడాది డిసెంబర్ 16 నుంచి ఈ ఏడాది జనవరి 5 వరకు పోల్ సాగింది. ఇందులో కోహ్లీ, ధోనీకి 75 శాతానికి పైగా ఓట్లు రావడం వల్ల ఫైనల్ చేరారు. తాజాగా సెమీస్‌ ఓటింగ్‌ 2020, జనవరి 7, ఉదయం 10 గంటలకు ముగిసింది. ఇందులో ఫలితాల ఆధారంగా విరాట్ విజేతగా నిలిచాడు. ఫైనల్లో మహీ, విరాట్ అభిమానులు భారీ స్థాయిలో ఓట్లు వేసినట్లు ఆ సంస్థ వెల్లడించింది. టాప్-2లో భారత క్రికెటర్లు నిలవడంపై హర్షం వ్యక్తం చేసిందీ సంస్థ. మూడు, నాలుగు స్థానాల్లో దక్షిణాఫ్రికా క్రికెటర్ డివిలియర్స్, న్యూజిలాండ్ సారథి కేన్ విలియమ్సన్ నిలిచారు.