ఐపీఎల్లో అశ్విన్ మన్కడింగ్ వివాదంపై ఓ వైపు చర్చ జరుగుతుంటే... అదే అంశాన్ని కోల్కతా పోలీసులు మాత్రం ట్రాఫిక్ నిబంధనలపై అవగాహనకు ఉపయోగించుకున్నారు. బంతి వేయకుండానే నాన్ స్ట్రైకర్ ఎండ్లో ఉన్న బట్లర్ క్రీజు దాటగా.. అశ్విన్ రనౌట్ చేశాడు. ఈ ఆటగాడి వికెట్ కోల్పోయినందున రాజస్థాన్ రాయల్స్ గాడి తప్పింది. జట్టు ఓటమి పాలైంది.
మన్కడింగ్ను క్రియేటివ్గా వాడిన పోలీసులు
వాహనదారులు ట్రాఫిక్ నిబంధనలు పాటించేలా చైతన్య పరిచేందుకు కోల్కతా పోలీసులు వినూత్న ప్రయోగం చేశారు. క్రీడల్లో చర్చనీయాంశమైన మన్కడింగ్ ఫొటోను సందేశాత్మకంగా తీర్చిదిద్దారు.
మన్కడింగ్ను క్రియేటివ్గా వాడేసిన కోల్కతా పోలీసులు
మన్కడింగ్ ఫొటోను.. ట్రాఫిక్ సిగ్నల్‌ వద్ద లైన్ దాటిన ఓ వాహనం ఫొటోను పక్క పక్కన పెట్టి ట్వీట్ చేశారు కోల్కతా పోలీసులు. క్యాప్షన్గా ‘క్రీజ్, రోడ్డు ఒకటే.. లైన్ దాటితే మూల్యం చెల్లించుకోక తప్పదని’ పేర్కొన్నారు. వినూత్నంగా ఉన్నందున నెట్టింట వైరల్గా మారింది.
గతంలోనూ జైపూర్ పోలీసులు ఛాంపియన్స్ ట్రోఫీలో బుమ్రా నోబాల్ దృశ్యాన్ని... ఈ విధంగానే ప్రచారానికి వాడుకున్నారు. దీనిపై బుమ్రా స్పందించగా వివరణ సైతం ఇచ్చుకున్నారు.